Palan Tounan Yayasan Wikimedia/2024-2025/Produk & Tiknologi OKRs
 | This content is currently in development as part of the 2025–2026 Annual Plan drafting process. We are seeking input on questions that will shape the Wikimedia Foundation's priorities for the next fiscal year. |  |
.jpg)
Palan Tounan nopo nga kotolinahasan Yayasan Wikimedia kokomoi nunu ii lansanon dahai do gompoton ontok toun dumontol. Minggoos yahai montok poposiliu do palan iti maganu boogian, om kiangkab takawas do milo gompoton. Monikid toun, mokianu yahai kumaa mananakadai montok miilang perspektif, lansanon om kopokionuan poimbida diolo ontok mombontuk yahai do palan diti. Piipiro waya dahai maganu input diti nopo nga maya pibarasan tinimungan produk miampai komuniti, kointayadan hajat komuniti, pibarasan komuniti miagal ko siri pibarasan Commons, id persidangan om maya liwang wiki miagal diti.
Montok palan tounan dahai do sumusuhut, mantad Madas 2024 gisom Mahas 2025, maamaso yahai do momusorou woyo di tosonong montok manahak angkab mogisuusuai generasi, tu kosimbanan pesat id pomogunan om intonet miampai manahak rahung tagayo kumaa misi koilaan osinggawa tokou.
Miagal di binoros ku di toun nakatalib, nuru yati do mintong id ahal di kaanu popisuai dati: Komiloon dati montok popotounda do tonsi di milo tumboyoon sundung do kiwaa koilaan di au kotunud nopo nga gumumu gumu di id posorili do internet om id platform di mogiguugusa montok maganu tarad generasi wagu. Kohompit nogi iti do mamagampot misi montok monimung om popolombus ginumu toinsanan toilaan tulun kumaa pomogunan miampai linaab liputan dahai kokomoi koilaan di natagak gama no do ketidaksamaan, diskriminasi om aagat sampaping. Tonsi nogi diti nga nuru do khidmat om kakal oponsol id suang kosimbanan internet ii mogowit kumaa kecerdasan winonsoi om koinganan di opuhawang. Tohuri nopo dii nga, nuru yahai do mogihum woyo montok popogura gura dahai maya mampan miampai momonsoi strategi bersama montok produk om ponimungan dana dahai moi do kaanu yahai monokodung kalaja diti montok timpu di tanaru.
Montok momonsoi pomilian om monimban kawagu kokomoi tionon montok papatarad goos dahai ontok toun dumontol, monimung yahai do poguhatan om woyo momusorou do laang momoguno toud dahai gisom kodimpot bagas di bobos agayo.
Nung orohian kou maya poimbida kokomoi kouyuyuo toi ko' perkhidmatan ii maan dahai wonsoyo mantad jabatan Produk om Teknologi tumanud keutamaan ii pinatantu do hiti om haro no ontok wulan Gomot montok mogibooboros kokomoi objektif poimbida om aasil gulu. (Id siriba nopo nga objektif om aasil gulu montok palan tounan maamaso, sabaagi sukuon.)
Nung manu kou momusorou kokomoi tantaman om kosiwatan id posorili teknikal dahai om kokoyoon ii nuru dahai potontuon id palan tounan potilombus, soroho o poguhatan dokoyu id siriba miampai dahai.
Asaru yahai do maganu koilaan kokomoi poguhatan diti id suang mogikaakawo woyo -- mantad pibarasan komuniti, data ii notimung, ponorubungan ponoriukan ii winonsoi dahai om ogumu po. Iti nopo nga okon ko koinsan ii dahai do minuhot om minsingilo kokomoi kogumuan ahal diti - om nowonsoi no ngawi dahai o kalaja-kalaja diti id posorili! Manu nogi yahai do muhot kumaa dokoyu om biano, insan po kawagu manu minsingilo tu' yolo no o ahal gulu montok dahai id taang pamalanan dahai diti.
Poguhatan:
- Metrik om data
- Nunu piipiro woyo data om metrik ii milo monokodung kalaja dokoyu sabaagi editor di lobi osonong? Milo kou do momusorou data kokomoi mongidit, mambasa toi ko' mongulud ii milo monguhup dokoyu momili piipiro woyo montok manahak timpu dokoyu, toi ko' soira iso-iso dii nuru do intangan? Iti nogi kanto nga kokomoi nogi do abaabayan dokoyu sondii toi ko' abaabayan do tulun suai.
- Mongidit
- Soira topurimanan dokoyu do mongidit nopo nga osonong om ohiok? Soira kou do kopuriman do apagon om au osonong?
- Manu yahai do manakadai kou do lobi gumu tisuli om pongiktirafan montok kalaja diolo, om aiso di songulun dii kopurimaan goos di pinatahak diolo id wiki. Nunu kawo tisuli om pongiktirafan ii manahak motivasi kumaa dokoyu? Nunu i mongunsub dokoyu montok tumilombus do mongidit?
- Sabab do wiki nopo nga agayo tomod, apagon kanto montok piipiro editor montok manantu kalaja wiki di toponsol kopio montok diolo momoguno timpu diolo do potitikid tadau. Nunu koilaan toi ko' kakamot ii milo moguhup dokoyu momili woyo montok magawi timpu dokoyu? Kiguno ka montok dokoyu nung kiwaa tiyonon poinlongkod om poimbida montok dokoyu do mogihum kosiwatan wagu, manarampas timbabaon dokoyu om mamarati impak dokoyu?
- Manu yahai do popoingkawas koinganan misokodung id wiki kumaa lobi osonong moi do ii manaanakadai nga kanu mogihum tiso om tiso montok mogiampayat papapanau projek maya do pemacu tunggakan, edit-a-thons, ProjekWiki, toi ko duo editor ii misokodung do kumalaja. Mantad sinorou dokoyu, poingkuro kou kaanu monguhup do lobi gumu manaanakadai mogihum tiso om tiso, miromut om misokodung?
- Mambasa/Minsingilo
- Lobi osiau toi ko' lobi alaid o Wiki tumanud do koiyonon tulun do mion. Haro ka nombo-nombo boogian id pomogunan dokoyu hinombo nuru do haro prestasi di lobi sonong?
- Poingkuro yahai do kaanu monguhup mambaabasa generasi wagu do mogihum tonsi Wikipedia di lobi kagayat ginawo? Nokopogibooboros no yahai do ideo' kokomoi tonsi interaktif om video di gulu om ontok do toun maamaso, pointarad yahai kumaa carta om ontok eksperimen miampai woyo wagu montok popokito tonsi Wikipedia ii haro mantad. Poingkuro yahai kaanu popotilombus do wayaan diti montok momoguno tonsi ii haro mantad dahai miampai woyo wagu ii unik kumaa Wikimedia?
- Moderator
- Nunu ii nuru do simbanan kokomoi Wikipedia moi do lobi gumu tulun ii manu kohompit id poranan sukarilawan potilombus, miagal ko patroller toi ko' admin?
- Nunu koilaan toi ko' konteks kokomoi suntingan toi ko' momoomoguno ii milo monguhup dokoyu momonsoi rondaan toi ko' kootusan pontadbir di lobi siau toi ko' asanang?
- Luyungan Labus
- Nunu kosimbanan ii toponsol kopio ii nokito dokoyu id labus Wikimedia id pomogunan? Iti nogi nga trend id teknologi, pondidikan toi ko' woyo tulun do minsingilo.
- Id labus gura Wikimedia, nunu komuniti id suang talian suai ii milo dokoyu ampayaton? Nunu pongiaan ii milo dati onuon mantad kakamot om proses mantad platform komuniti suai?
- Poingkuro kou kaanu momoguno kakamot AI id suang om id labus kalaja Wikimedia dokoyu? Kiguno o AI montok nunu?
- Commons
- Nunu kootuson ii milo dati wonsoyon miampai komuniti Commons montok momonsoi projek mampan ii kaanu monokodung pamansayan koilaan ensiklopedia?
- Wikidata
- Poingkuro kou manu mogintong do koburu o Wikidata ontok timpu dumontol? Poingkuro ii kaanu sumiliu di kiguno kopuo montok momonsoi tonsi ensiklopedia ii milo tumboyoon?