Universal Davranış Kodeksi/Yenidən işlənmiş icra təlimatları/Seçici məlumatı

This page is a translated version of the page Universal Code of Conduct/Revised enforcement guidelines/Voter information and the translation is 97% complete.

Outdated translations are marked like this.

Universal Davranış Kodeksi (UCoC) üçün Yenidən İşlənmiş İcra Təlimatlarını təsdiq etmək məqsədi ilə səsvermə 17 yanvar 2023-cü il tarixindən 31 yanvar 2023-cü il 23:59:59 (UTC) tarixinə qədər SecurePoll vasitəsilə həyata keçiriləcək. Vikimedia İcmasında səsvermə hüququna malik olan bütün seçicilərin İcra Təlimatlarının qəbulunu dəstəkləmək və ya ona qarşı çıxmaq və bunun səbəbini bölüşmək imkanı vardır. UCoC üçün icra yolları və prosesləri yaratmaq üçün icra təlimatlarının ratifikasiyası lazımdır. Səsvermə təlimatları, o cümlədən seçici uyğunluğu haqqında ətraflı məlumatı aşağıda tapa bilərsiniz.

Həmçinin səsvermə haqqında məlumat üçün Səsvermə ilə bağlı tez-tez verilən suallara baxın.

Səsvermə prosesi

Səs vermək hüququnuz varsa:

Universal Davranış Kodeksi siyasəti üçün yenidən işlənmiş icra təlimatlarını nəzərdən keçirin.
İcra Təlimatlarının qəbulunu dəstəkləmək və ya ona qarşı çıxmaq barədə qərar verin. Təlimatlara qarşı çıxırsınızsa, səbəbləri ilə birlikdə qeyd edin.
SecurePoll ilə səsinizi necə qeyd edəcəyinizi öyrənin.
SecurePoll Səsvermə səhifəsinə keçin və təlimatları izləyin.
Digər icma üzvlərinə səs verməyi xatırlat!

Səs nə üçün istifadə olunacaq?

Yanvarın ortalarında Universal Davranış Kodeksi üçün İcra Təlimatları (EGs) ikinci dəfə icma miqyasında ratifikasiya səsverməsindən keçəcək. Bu, 2022-ci ilin martında keçirilən səsvermədən sonra səs çoxluğu ilə dəstək verildi, lakin İdarə Heyətinin İcma Məsələləri Komitəsinin (CAC) yenidən nəzərdən keçirilməsini tələb etdiyi mühüm icma narahatlıqlarını vurğuladı. Təftiş Komitəsi icmanın rəyini nəzərdən keçirdi və dəyişikliklər etdi. Məxfilik və şəffaflığın tarazlaşdırılması, həmçinin təlim və təsdiq tələbləri kimi narahatlıq sahələri yenilənib.

Vikimedia Fondunun Qəyyumlar Şurası, Şuranın UCoC-ni ratifikasiya etməsindən sonra UCoC icra təlimatları təklifini icma səsverməsi ilə təsdiqlənməsini dəstəkləyir. Qəyyumlar həmçinin Arbitraj Komitələrinin birgə məktubu və könüllü funksionerlərin sorğusu, tərəfdaş üzvləri və layihə komitəsinin incələmə dəstəyini qəbul edir.

2030-cu il üçün strateji hədəflərin əsas tövsiyələrindən biri təcavüzə dözümsüzlük göstərmədən bütün hərəkat üçün məqbul davranışın qlobal bazasını təmin etmək üçün UCoC-nin birgə yaradılması idi.

Universal Davranış Kodeksinin İcra Təlimatları

Bu təlimatlar Universal Davranış Kodeksinin tətbiqi üçündür. UCoC-un əsas hissəsi əvvəlcə icma ilə məsləhətləşmədən sonra, icma arasında açıq sorğu keçirilmədən Qəyyumlar Şurası tərəfindən təsdiq edilmişdir. Buraya profilaktik, detektiv və istintaq hərəkətləri və Universal Davranış Kodeksinin pozulması hallarının aradan qaldırılması üçün görülən digər tədbirlər daxildir. İcra, ilk növbədə, bütün onlayn və oflayn Vikimedia layihələri, tədbirləri və üçüncü tərəf platformalarında yerləşdirilən əlaqəli məkanlar üzrə təyin edilmiş funksionerlər tərəfindən həyata keçiriləcək, lakin bununla məhdudlaşmayacaqdır. Bu, mütəşəkkil, vaxtında və ardıcıl olaraq bütün Vikimedia hərəkatında həyata keçiriləcəkdir.

Yenidən işlənmiş UCoC İcra Təlimatları iki hissədən ibarətdir:

Profilaktik çalışma
- Digərləri ilə yanaşı UCoC maarifləndirmə təşviqi, UCoC təliminin tövsiyə edilməsi.
Cavabdeh çalışma
- Müraciət üçün prosesin təfərrüatlı şəkildə verilməsi, Bildirilən pozuntuların işlənməsi, Bildirilən pozuntular üçün resursların təmin edilməsi, Pozuntulara görə icra itədbirlərinin təyin edlməsi və s.

Nə üçün səs verməlisiniz?

İcra təlimatlarının ratifikasiyası UCoC üçün icra yollarını, prosesləri və hərəkətləri yekunlaşdırmaq üçün lazımdır. İcra Təlimatları üzrə səsvermə icmanın UCoC-a dəstəyini qiymətləndirmək və seçicilərin hazırkı təkliflərlə bağlı qeyd və şərtləri olduqda geri bildirim toplamaq məqsədi ilə təşkil olunub. İstənilən halda, səsinizi səsinizlə eşitdirmək vacibdir və əgər "yox" səsi versəniz, təlimatların hansı hissəsi(ləri) ilə bağlı narahat olduğunuzu və niyə narahat olduğunuzu ifadə etmək vacibdir.

Ən əsası, səsvermə:

Azərbaycanca Vikipediyadakı fikirlərin qlobal səsvermədə ifadə olunmasını təmin edəcək.

Necə səs vermək olar

SecurePoll-a keçməzdən əvvəl səsvermə təcrübənizin rahat keçməsini təmin edən faydalı məlumatları öyrənmək üçün bu bölməni oxuyun.

Kompasda səsvermə sualı və iki seçim olacaq. Zəhmət olmasa "xeyr" və ya "bəli" seçin. Nə “xeyr”, nə də “bəli” seçilməyən səslər yekun hesabda sayılmayacaq.
“Şərh” qutusu təklif olunan təlimatlarla bağlı hər hansı narahatlığınız barədə şərh yazmağınız üçün yerləşdirilmişdir.
SecurePoll daha sonra səsinizin qeydə alındığı barədə sizə məlumat verəcəkdir.
Siz seçki zamanı yenidən səs verə bilərsiniz. Bu, əvvəlki səsinizin üzərinə yazılacaq. Bunu istədiyiniz qədər edə bilərsiniz.

Səsvermənin nəticəsi necə müəyyən ediləcək?

Qəyyumlar Şurasının ratifikasiyasına keçmək üçün iştirakçı istifadəçilərin 50%-dən yuxarı dəstəyi tələb olunacaq. Hərəkatın hazırda uğurlu/uğursuz səsvermə prosesləri ilə bağlı heç bir təcrübəsi yoxdur (bəzi proseslər [⅔] səs çoxluğu tələb edir, digərləri isə sadə səs çoxluğu [50% + 1] tələb edir və bəziləri isə səslərin hesablanmasından yayınırlar). Bu prosesin dünyada məhkəmə sisteminin olduğu bölgələrdə keçirilən referendumlarla uyğunlaşması üçün sadə səs çoxluğunun tətbiq olunamsına qərar verilib.

Səslər müstəqil könüllülərdən ibarət olan bir qrup tərəfindən yoxlanılacaq və nəticələr dərc olunacaq. İlk səsvermədə olduğu kimi, seçicilər həm səs verə, həm də təlimatlarla bağlı narahatlıqlarını bölüşə biləcəklər. Qəyyumlar Şurası, İcra Təlimatlarının necə ratifikasiya edilməli və ya daha da inkişaf etdirilməli olduğuna baxarkən, dəstək səviyyələrinə və müzakirəyə çıxarılan narahatlıqlara da baxacaq.

Vikimedia Fondundan kənar insanlar səsvermənin şəffaflığını yoxlamaq üçün cəlb olunacaqmı?

Səsvermənin nəticəsi, qanun pozuntuları olub-olmamasını müəyyənləşdirmək və yoxlama proseslərində təcrübəsi olan könüllü Vikimediaçılar tərəfindən yoxlanılacaq. Səsverməni qiymətləndirəcək olan şəxslər bunlardır:

HakanIST
Operator873
AmandaNP (reserve)
DerHexer (reserve)

Səsvermə hüququ

Ümumi qayda

Səs vermək hüququ qazanmaq üçün birdən çox layihədə bloklanmamalısınız.

Redaktorlar

Hər hansısa bir Vikimedia layihəsində qeydiyyatdan keçmiş hesabdan səs verə bilərsiniz. Neçə hesaba sahib olmağınızdan asılı olmayaraq, yalnız bir dəfə səs verə bilərsiniz. Uyğun olmaq üçün bu hesab:

birdən çox layihədə bloklanmamalı;
və bot olmamalı;
və 3 yanvar 2023-cü il tarixinə qədər Vikimedia layihələrində ən azı 300 redaktə etmiş olmalı;
və 3 iyul 2022-ci il və 3 yanvar 2023-cü il tarixləri arasında ən azı 20 redaktə etmiş olmalıdır.

HesabUyğunluğu aləti, redaktorun səsvermə huququnun olub-olmamasını qısa zamanda yoxlamaq üçün istifadə edilə bilir.

Tərtibatçılar

Tərtibatçılar aşağıdakı hallarda səs verə bilərlər:

"shell access"ləri olan Vikimedia server inzibatçıları
və ya 3 iyul 2022-ci il və 3 yanvar 2023-cü il tarixləri arasında hər hansı Gerrit-də Vikimedia anbarı üçün ən azı bir birləşdirilmiş öhdəlik götürmək.

Əlavə meyarlar

və ya 3 iyul 2022-ci il və 3 yanvar 2023-cü il tarixləri arasında nonwmf-extensions və ya nonwmf-skins-də hər hansı anbar üçün ən azı bir birləşdirilmiş öhdəlik götürmək.
və ya 3 iyul 2022-ci il və yanvar 2023-cü il tarixləri arasında hər hansı Vikimedia alət anbarı (məsələn, magnustools) üçün ən azı bir birləşdirilmiş öhdəlik götürmüşdür.
və ya translatewiki.net-də 3 yanvar 2023-cü il tarixinə qədər ən azı 300, 3 iyul 2022-ci il və 3 yanvar 2023-cü il tarixləri arasında isə 20 redaktə etmiş olmalıdır.
və ya Vikimedia layihələrində hər hansı alətlərin, botların, istifadəçi skriptlərinin, qadcetlərinin və Lua modullarının təmirçiləri/töhfəçiləri.
və ya Vikimedia ilə bağlı texniki inkişafın layihələndirilməsi və/yaxud nəzərdən keçirilməsi proseslərində əhəmiyyətli dərəcədə iştirak etmişlər.

Qeyd: Əsas meyarlara cavab versəniz, dərhal səs verə biləcəksiniz. SecurePoll-un texniki məhdudiyyətlərinə görə, əlavə meyarlara cavab verən insanlar digər meyarlardan hər hansı birinə cavab vermədikcə, birbaşa səs verə bilməyəcəklər. Əlavə meyarlara cavab verdiyinizi düşünürsünüzsə, lütfən, səsvermə üçün son tarixdən ən azı dörd gün əvvəl, yəni 27 yanvar 2023-cü il və ya ondan əvvəl əsaslandırma ilə ucocproject@wikimedia.org ünvanına e-poçt göndərin. Əgər meyarlara cavab verirsinizsə, səs verə bilməniz üçün sizi siyahıya əlavə edəcəyik.

Vikimedia Fondunun işçiləri və podratçılar

Cari Vikimedia Fondunun işçilər və podratçıları, 3 yanvar 2023-cü il tarixində Fondun əməkdaşı olduqları təqdirdə səsvermə hüququna malikdirlər.

Vikimedia hərəkatı tərəfdaşlarının işçilər və podratçıları

Cari Vikimedia Çapter, tematik təşkilat və ya istifadəçi qrupu işçiləri və podratçıları, 3 yanvar 2023-cü il tarixində təşkilatlarında işləyirlərsə, səsvermə hüququna malikdirlər.

Hazırki Vikimedia Çapterlərinin, tematik təşkilatların və ya istifadəçi qruplarının nizamnaməsində müəyyən edilmiş formal qurumların üzvləri, 3 yanvar 2023-cü il tarixində bu funksiyaları yerinə yetirmişlərsə, səsvermə hüququna malikdirlər.

Vikimedia Fondunun idarə heyətinin üzvləri və məsləhət şurasının üzvləri

Vikimedia Fondunun Qəyyumlar Şurasının və Vikimedia Fondunun Məsləhət Şurasının hazırkı və keçmiş üzvləri səsvermədə iştirak hüququna malikdirlər.

Vikimedia Hərəkatı Komitəsinin üzvləri

Vikimedia Hərəkatı Komitələrinin hazırkı üzvləri, 3 yanvar 2023-ci il tarixində bu funksiyaları yerinə yetirmişlərsə, səsvermə hüququna malikdirlər.

Vikimedia Hərəkatı komitəsinin təşkilatçıları

Digər kateqoriyalar üzrə səsvermə hüququ olmayan yaxşı nüfuza malik icma təşkilatçıları aşağıdakılardan birinə cavab verdikdə səsvermə hüququna malikdirlər:

1 sentyabr 2021-ci ildən bəri ən azı bir Vikimedia Fondu qrantı üçün müraciət etmiş, almış və bu barədə məlumat vermişlər.
3 yanvar 2022-ci il və 3 yanvar 2023-cü il tarixləri arasında ən azı 10 iştirakçı/ziyarətçi/iştirakçısı ilə həyata keçən maliyyələşdirilən hakatonun, müsabiqənin və ya digər Vikimedia tədbirinin təşkilatçısı olmuşlar.

Əlavə meyarlar

Əgər əlavə meyarlara cavab verdiyinizi düşünürsünüzsə, lütfən, səsvermə üçün son tarixdən ən azı dörd gün əvvəl, yəni 27 yanvar 2023-cü il və ya ondan əvvəl əsaslandırma ilə board-elections@wikimedia.org elektron ünvanına e-poçt göndərin. Əgər meyarlara cavab verirsinizsə, sizi səs verə bilməniz üçün siyahıya əlavə edəcəyik.

Səsvermə ilə bağlı tez-tez verilən suallar

Uyğunluğumu necə yoxlaya bilərəm?
Redaktorlar cari seçkidə uyğunluğu yoxlamaq üçün HesabUyğunluğu alətindən istifadə edə bilərlər. Redaktə sayınız və töhfə tarixçəniz haqqında ətraflı öyrənmək üçün qlobal hesab məlumat səhifəsi mövcuddur.
Uyğunluq tələbləri necə müəyyən edilir?
Vikimedia Fondunun İdarə Heyəti uyğunluq tələblərini seçki başlamazdan əvvəl müəyyən edib. Bunlar Qəyyumlar Şurası seçkiləri zamanı istifadə olunan tələblərlə eynidir.
Seçici hüququ olan şəxsin səs verə bilməməsi
Siz bu tip mesaj ala bilərsiniz: "Bağışlayın, siz bu seçkidə səs vermək hüququ olan istifadəçilərin əvvəlcədən müəyyən edilmiş siyahısında deyilsiniz."
Həll yolları
Hesabınıza daxil olduğunuzdan əmin olun.
Meta-vikidən səs verdiyinizə əmin olun, səsvermənin başlanğıc səhifəsinə keçmək üçün bu keçiddən istifadə edə bilərsiniz.
Əgər siz tərtibatçı, Vikimedia Fondunun əməkdaşı, Vikimedia Hərəkatı komitəsinin üzvü, uyğun qrant alan və ya Məsləhət Şurasının üzvüsinizsə, sizin xüsusi istifadəçi adınız olmaya bilər və o seçici siyahısına əl ilə əlavə edilməlidir. Siyahıya əlavə olunmaq üçün ucocproject@wikimedia.org ünvanına müraciət etməlisiniz. Siz siyahıya əlavə olunmağınız ilə bağlı 72 saat ərzində cavab alacaqsınız.
Əgər hələ də səs verə bilmirsinizsə və səsvermə hüququnuzun olmasına inanırsınızsa, bu zaman, seçki müzakirə səhifəsində mesaj yaza və ya ucocproject@wikimedia.org ünvanında yazaraq Seçki Komitəsi ilə əlaqə saxlaya bilərsiniz. Cavab 72 saat ərzində göndərilməlidir.
Mən VoteViki-yə daxil ola bilmirəm
Səs vermək üçün VoteViki-yə daxil olmaq lazım deyil. Səsvermə bülleteni görsəniz, demək ki, SecurePoll sizi uğurla tanıdı. Təhlükəsizlik səbəbləri ilə VoteViki-də yalnız məhdud sayda hesablar qeydiyyatdan keçib.
Kimsə mənim kimə səs verdiyimi görə bilərmi?
Xeyr, seçki təhlükəsizdir. Seçki SecurePoll proqram təminatından istifadə edir. Səslər gizlidir. Seçki Komitəsindən, İdarə Heyətindən və ya Vikimedia Fondunun əməkdaşlarından heç kimin onlara girişi yoxdur. Vikimedia Fondunda Trust & Safety komandasının üzvü seçki üçün şifrələmə açarına sahibdir. Açar aktivləşdirildikdən sonra seçki dayandırılır.
Seçicilər haqqında hansı məlumatlar toplanır?
Seçicilər haqqında bəzi şəxsiyyəti müəyyən edən məlumatlar seçkiləri yoxlayan və hesablayan bir neçə seçilmiş şəxs tərəfindən görünə bilər. Yuxarıda qeyd olunan ratifikasiya yoxlayıcılarına baxa bilərsiniz.
Bura IP ünvanı və istifadəçi agenti daxildir. Bu məlumatlar seçkidən 90 gün sonra avtomatik olaraq silinir.
Bu məlumatlar necə istifadə olunacaq?
Bu seçki ilə bağlı göstəricilər Meta-da seçki səhifələrinin nəticələrində və seçkinin təhlili hesabatında ümumiləşdiriləcək. Şəxsiyyəti müəyyən edən heç bir məlumat dərc edilməyəcək. Bu şəxsiyyəti müəyyən edən məlumat müstəqil seçicilərin sayını və seçicilərin qlobal yayılmasını müəyyən etmək üçün istifadə edilə bilər.
Mən səs verəndə səsin alındığına dair heç bir təsdiq görmürəm və səs vermək üçün daxil olmağım lazım olduğunu bildirən avtomatlaşdırılmış mesaj görünür. Nə baş verir?
Səs vermək üçün voteviki-yə daxil olmaq lazım deyil. Bu çox güman ki, keç ilə bağlı problemidir. m:Special:SecurePoll/vote/394 ünvanında yenidən səs verməyə cəhd edin.
Həmçinin nəzərə alın ki, səsvermə seçimlərinizi istədiyiniz qədər təyin etmək və ya dəyişdirməkdə sərbəstsiniz. Hər istifadəçi üçün yalnız bir səs saxlanılacaq və sistem sadəcə olaraq köhnə səs(lər)inizi yenisi ilə əvəz edəcək və əvvəlki səs(lər)i ləğv edəcək.
Səsvermə prosesi başa çatdıqdan sonra ekranınızda səs verdiyinizə dair sübut kimi saxlaya biləcəyiniz qəbz göstərilir.
Səsvermə sistemi istifadəçilərin çoxsaylı səslərinin daxil olmasından necə qorunur?
Sistemdə hər istifadəçi üçün yalnız bir səs saxlanılır. İstədiyiniz qədər səsvermə seçimi etmək və ya dəyişdirməkdə sərbəstsiniz. Sistem sadəcə olaraq köhnə səs(lər)inizi yenisi ilə əvəz edəcək və əvvəlki səs(lər)i ləğv edəcək.
İşçilər konkret şəkildə səs verməyə məcbur edilir və ya təşviq olunurlar?
Xeyr, Vikimedia Fondunun və tərəfdaşların işçiləri xüsusi bir şəkildə səs verməyə təşviq edilmir. Hər kəsi müstəqil şəkildə səs verməyə çağırırıq. Davranış Kodeksinin tətbiqi təlimatlarının effektiv olması üçün təkmilləşdirməyə ehtiyac duyulan sahələrin olub-olmadığını aşkar etməkdə bizə kömək etmək üçün dürüst rəyə ehtiyacımız var.
Güvən və Təhlükəsizlik (Trust and Safety) komandası səsvermənin nəticəsi ilə bağlı qərəzlidirmi?
Güvən və Təhlükəsizlik bölməsinin üç qolu var: Siyasət, Dezinformasiya və Əməliyyatlar. UCoC-a kömək edən komanda Siyasət komandasıdır. Siyasət komandası istifadəçi davranışının araşdırılmasında iştirak etmir. Əməliyyatlar qrupunun qərəzli olduğuna və ya olacağına inanmasa da, funksiyaların bu şəkildə ayrılması, təsadüfən baş vermiş qərəzli hallardan qaçmaq üçün bilərəkdən edilib. Siyasət komandası bu birgə yaradılmış sənədin ilk buraxılışında təsdiqə nail olub-olmaması və ya əlavə inkişafa ehtiyac olub-olmaması ilə qiymətləndirilmir. Bununla belə, komandanın icma ilə yaxşı işləməsi qiymətləndirilir. Bu, icma üçün fəaliyyət göstərəcək UCoC-ni tətbiq etmək üçün birgə yanaşmanın inkişaf etdirilməsi deməkdir. Məqsədimiz odur ki, bu məsuliyyəti bacardıqca layiqincə yerinə yetirək.
Burada qeyd olunmayan digər suallar
Texniki və ya səs sistemi səhvləri üçün ucocproject@wikimedia.org ünvanına e-poçt göndərin. Səs verməyə çalışdığınız istifadəçi adını və səs verməyə çalışdığınız layihəni göstərin. Layihə komandasının üzvü e-poçtunuza ən qısa zamanda cavab verəcəkdir.