Желби на заедницата
Желбите на заедницата се форум за учесници во Викимедиините проекти каде тие споделуваат идеи или „Желби“ за подобрување на нашиот производ и технологија, а потоа да соработуваат меѓу себе и со Фондацијата Викимедија во заедничко одлучување за и решавање на најважните задачи на кои ќе им дадеме предност. За да изгради одржлива програмска опрема за многу поколенија, на Фондацијата Викимедија ѝ треба мислења од заедницата, како и соработка со доброволци за справување со предизвиците и приликите што се отвораат.
Како работи:
- Доброволците можат да поднесат желба (барање за функција, поправка на грешка, системска промена) во секое време. Им препорачуваме на корисниците да ја поднесат желбата на нивниот мајчин јазик.
- Поднесените желби ќе бидат разгледани, прокоментирани и уредени од други доброволци, а потоа прифатени од Фондацијата.
- Фондацијата ќе направи поврзување на желбите и ќе се произнесе со Клучни области пред заедницата. Овие полиња ќе ни помогнат да утврдиме и решиме што повеќе од најголемите проблеми.
- Учесниците може да гласаат и коментираат за Клучните области, кои потоа ќе бидат усвоени од екипите на Фондацијата, Техниката на заедницата или доброволечките разработувачи.
Клучни области
Почнувајќи од август 2024 г. Фондацијата ќе го објави првиот список на клучни области. Секоја област е сочинета од три или повеќе желби кои во основа делат ист проблем.
Help content reviewers more efficiently manage their repetitive tasks
Template recall and discovery
Make it easier for patrollers and other editors to prioritize tasks
Help newer contributors understand the status and rationale behind a moderation decision
Скорешни желби
Ова се неодамна поднесените желби. Можете да дознаете повеќе за секоја поединечна желба и да погледате други желби од истата клучна област. Ако не го најдете она што го барате, добредојдени сте да поднесете своја желба на разгледување.
| Наслов | Клучна област | Тип | Проекти | Датум (UTC) | Состојба |
|---|---|---|---|---|---|
| Paragraph-level cherry-picking for diffs | Help content reviewers more efficiently manage their repetitive tasks | Барање за функција | Википедија | 21 септември 2024 | Open |
| Better add-new-wikilink searches | Неукажано | Поправка на грешка | Википедија | 20 септември 2024 | Submitted |
| Annihilate reverted, collapse multiple changes by the same author in page histories | Неукажано | Барање за функција | Википедија | 20 септември 2024 | Submitted |
| Add an AI image filter to MediaSearch | Неукажано | Барање за функција | Ризница | 19 септември 2024 | Submitted |
| Add namespace filtering to the options of Logs | Неукажано | Барање за функција | Сите проекти | 19 септември 2024 | Open |
Како да напишете добра желба
Иако немаме официјални критериуми за „добра желба“, им препорачуваме на предлагачите да го изложат проблемот со кој се соочуваат без да предлагаат конкретно решение, така што доброволците и персоналот би можеле заеднички да дојдат до приод кон неговото решавање.
Желбите кои одразуваат сочувство и ги покажуваат предизвиците и целите на корисникот ја избегнуваат опасноста да бидат тесни, а со тоа избегнувајќи критики врз решенијата од други корисници.
Во долуприкажаниот пример, обата примера (насочениот кон проблем и насочениот кон решение) се стремат да ги подобрат доживувањата на новите корисници. Примерот насочен кон проблем остава простор за решение и повикува на соработка, а оној насочен кон решение може да добие негативни критики од учесниците кои не сакаат да го преименуваат песочникот. Така, желбата насочена кон проблем има подобри изгледи да влезе во клучна област.
| Желба насочена кон проблем (препорачано) | Желба насочена кон решение (непрепорачано) | |
|---|---|---|
| Наслов | Да им олесниме на новодојденците да ја создадат нивната прва статија | Преименување на песочникот во „Уредник на нацрти“ |
| Опис | На новите корисници не им е лесно да го најдат нивниот кориснички песочник. Штом ќе го најдат, новите уредници наидуваат на неколку предупредувања кои ги обесхрабруваат во пишувањето на квалитетна статија. Ова влијае врз нивната способност да се прилагодат на Википедија и да стекнат самодоверба како учесници. Ова делумно е намерно — треба да имаме на ум како работат патролерите — но истото воедно е пречка во воведувањето на новите уредници. | Поимот „Песочник“ е збунителен за нови корисници. Ајде да го преименуваме во „Уредник на нацрти“, и со тоа уредниците поверојатно ќе направат нацрт-статија. |
| Тип | Системска промена | Барање за функција |
| Проект | Википедија | Википедија |
| Засегнати корисници | Нови уредници, а со тоа и патролери кои ги проверуваат новите уредувања | Уредници |
| Задачи на Фабрикатор | (незадолж.) | T123456 |
Често поставувани прашања
Кој е рокот за изразување на желби?
Нема рок. Изразувањето на желби ќе остане отворено.
Што се тоа „клучни области“?
Фондацијата установува закономерности во желбите кои делат заеднички проблем и ги групира во полиња наречени „клучни области“. Групирањето на желби ќе започне во август 2024 г. засновајќи се на желбите поднесени од јули 2024 г. натаму.
Како да влијаеме врз давањето предност?
На учесниците им се препорачува да дискутираат и гласаат по клучните области за да ја истакнат нивната важност.
Како овој нов систем ќе ги остварува желбите?
Фондацијата Викимедија, подружниците и доброволечките разработувачи можат да усвојуваат клучни области. Фондацијата е посветена на вклопување на две или повеќе клучни области во 2024—25 г. и ќе вклучи уште повеќе во Годишниот план за 2025—26 г.
Клучните области соодветствуваат со хипотези (конкретни проекти, типично во траење од едно тримесечје) и клучните резултати (пообемни проекти кои траат до една година).
Како да поднесам желба? Дали има нешто изменето во поднесувањето?
Можете да поднесувате желби на Community Wishlist/Intake.
Направивме промени во она што би сакале да го видиме во желбите. Погледајте го горенаведениот водич за повеќе информации.
Што е тоа статус на желба?
Подолу ќе најдете описи на нашите тековни статуси на желбите. Ќе продолжиме да ги разгледуваме статусите кога ќе се јави потреба врз основа на мислења од заедницата.
| Статус | Опис |
|---|---|
| Archived | Желбата која обично се однесува на измена во правилата, има премногу тесна задршка или нема смисла. Најчесто овие желби нема да се разгледуваат преку Желбите на заедницата. |
| Submitted | Желбата е поднесена и ќе биде разгледана од Фондацијата. Таа е уредлива од други уредници за соработка. |
| Open | Желбата опишува проблем и е доволна без дополнителен контекст или уредувања. Ова е преводливо, начелно неуредливо и се разгледува за клучно подрачје. |
| In progress | Желбата е вклучена во клучно подрачје и/или е усвоена од Фондацијата, подружниците или доброволечките разработувачи. |
| Delivered | Желбата е исполнета. |