Movement Strategy/Principles/igl
Ami ọda chi Ami ukẹdọni ki adejutẹ ukọlọ efu movement was Chaka. Ami Ibe ọna ki movement atene chẹnwu le chẹkọ, ma nya dudufu Oji Ami ọda mẹgwa Yi. ma chẹ nẹ atanyu kpai ma ka dama ẹnwu ki chẹtẹ eche ẹnẹ Wikimedia.
Edu amonẹ tẹdọ
Ẹtẹ edu amonẹ tẹdọ chikakini ọwọ movement was du achetẹgwu amẹnwu k'amonẹ tene kpai ihianyi amonẹ Kuma du ọwọ tọ kpai abo ki arẹ, todu ki ẹnẹdu ki neke dumanyu ọna ọmẹmẹlẹ ma udama uma onẹ. Movement wa n'ukaphiu kwefu ọwọ amonẹ kpai udama amonẹ, ojile abo Kuma tu ọlama, abo Kuma n'ọwọ t'ukọlọ kwugbo du. Ami abo ki gwọnyu ukọlọ yi Che nẹ amẹnwu kuma tene, eki tẹknọlọji, Ami ọda, ukọchẹ, kpai ọna kuma dago Che dukpẹ ma kọla ojinwu todu Kuma neke dumanyu ukọlọ lubi akpọna nyu. Ki movement was ki gba nyọgba efu uchẹ ojoji ojoji, idukpẹ ka chẹnwu amonẹ ma ọla ki lugbo abo kima danẹn. Ka gbuma nyi, idukpẹ ka dama kpai ka tefu edu ma n'ojika wa kpai ka dibe nwu ma lugbo arida.
ọlafia kpai edejutẹ
Ẹnyọ, edejutẹ kpai ọlafia eyi abo ki defu chi ẹnwu katene todu egwọnyu dago kpai egba nyọgba Ami ukọlọ kpai Ami udama amonẹ. Lubi eñọ Che eyi ugbo k'ihianyi madẹn, ya je Chen k'ẹneke defun, gbanyọgba ọna wewe, d'uma wa, eche alukate, jẹnwu ọwọ edu dama gbanyọgba, kpai eda uña ọwọ edutọ ogbogaga eyi uma alafa. Abo kidefu Ki n'ọlafiya efu uña Oji iga kpai ejugede, takaneke n'ekidẹi idukpẹ ka m'arida nwu ọna ki amonẹ achẹnwu le ajọi efu movement was Chaka. Elẹ nyọ ti uja ọlafia eja ofofo, Adu ukpahiu tọ ogbegbele wa enẹ ọlafia lefu edu Ami ọda chekwu kpai edu tẹknọlọji wa, amẹnwu ekwu, kpai amẹnwu ki adejutẹ abo kidefu movement.
Edu manyu kpai Ejẹdama k'amonẹ dọ
Edu manyu chi ẹtẹ egba nyọgba ami ọna ẹnwu eche, alu Kuma chẹnwu le, kpai ami ẹnwu ki Wikimedia Movement dago toduñ ki ọna ojoji k'amonẹ li ẹnwu le kpai alu Kuma manle ki gba nyọgba. Awa nibe todu kakọ amẹnwu ekwu ewa ki dago Oji egba nyọgba ami kọmuniti ewo ọdọda kpai lefu eñọche ami ulieju kidọmọ kpai onugo amẹnwu ki akpọna yu amonẹ edefuñ. Lefu ekọ amonẹ kpai ekochẹ ami ukọlọ ọwọ eki d'agbagba, adu nyọgba ọwọ enẹtọ, ẹneke du chekwu, edu tọganẹ, kpai ojoji eyi ogbegbele wa (ami uña tẹknọlọji, ọna ẹnwu eche, kpai amẹnwu ki ujọ amonẹ kọ dago). Amẹnwu kuma kọdago kpai ami uña dukpẹ ech'ugbo ki aneke gbanyu ichi ekọ abo Kuma defy movement wa abajọi kateñ, ama egba nyu abo Kuma ma tefuñ tan kpai abo Kuma ko kwefuñ kwubi abẹki abo Kuma deju kpabo. Ekidẹi dukpẹ edọmọ todu ki chatẹko eñọche ami uña kidọmọ efu ekoji amonẹ wa, onẹkẹle kpai onobulẹ, kpai amẹnwu k'akọ. Idukpẹ ka ch'ukpahiu efu ewo ojoji todu ki ukomu Chaka neke defuñ kpai en'ukọlọ ki chẹfẹ efu ọna ejẹdama ki achekwu nwuma kpai movement wa.
Echalu kate kpai ekọ amonẹ ẹnwu
Eja todu echalu kate nekwu abo ki gwọnyu Wikimedia todu Kuma che amonẹ alukate kpai Oji uña ma. Ami ebọjọ movement eki chẹ bitẹ ogẹcha dago Oji ọna arida ikodu eyi edu ihianyi eyi ukpahiu (efu ukọlọ, eduje tẹ, ichi, ọkọ, kpai abẹkibọ.) todu Kuma neke k'amonẹ ẹwnu kpai etatẹ amẹnwu k'maneke Che kuma ma. Ekoji amonẹ alukate kpai edufuñ ch'alukatẹñ lefu uña alukate kpai enọwọ t'ẹnwu ekọ. Ọda ki doji amonẹ alukate neke rida ki we ch'alukatẹ chẹñ k'ẹnyọñ ma ch'alukatẹ efu udama amonẹ ka kpai omunẹ. Eche alukate nekwu edu ẹnwu alukate nwu ọchaka; Eche ki ch'alukatẹ nekwu edu ami uña yi Igbo k'dukpẹ nwu ami kọmuniti Okeke kpai ọna ẹnwu, ema kaki amonẹ kibọ achanẹ ọna kuma gboji nyọ.
Ech'atẹko kpai edejutẹ ọla
Movement wa adu ọda efu ojile ugbo wa abẹki ọwọ anẹ ugbo ki j'eche kpai ya nwọ bi ọna todu ejẹdama etefuñ. Ech'atẹko chi kakini ami kọmuniti was ki doji iga kpai ugbọda iga efu ilẹ Chaka ki du ọda nwu ọlama ikodu k'dukpẹ. Oji ọla ekidẹi ma neke ma amẹnwu Kuma neke Che, ami uña, ami ekwu, kpai amẹnwu ki akpọna yu ekoji ọchaka Uma onẹ efu ami ugbo ukọlọ. Lefu ẹlọ Eko kpai ẹbitẹ, ma dejutẹ kpai ọlama amẹnwu ekwu ma kpai amẹnwu Kuma ache kpai ya nwọ du amẹnwu kuma tene todu Kuma le gwu ami akpọnayu du.
Eche t'ọna ka
Eche t'ọna ka ajẹnwu wa ma kakini inẹ ami ọna Kate k'adu ohi kẹtene dufu ugbodun Lefu ojoji kidefu movement wa, ami ukọlọ wa kpai amẹnwu k'dọwọ tọ ch'otila Kuma gou kpai edutẹ ogbegbele, ọna k'amonẹ achẹnwu le, kpai ọna ọkọ alu k'dọmọ etefu arida efu ilẹ wa. Ache ma kakini amẹnwu k'chukọlọ efu kọmuniti ka neke Che ki ma ch'ukọlọ efu omunẹ. Todu egba nyọgba ikodu kpai egwọwọ nyu dago eyi movement wa, idukpẹ ka jẹnyu ojoji was kpai ka jẹnwu ki ogbegbele wa kichẹ kọ kpai ọwọ kima gbiti kpai enẹ ọwọ anẹ. Ekidẹi ajẹnwu wa nẹtẹ ojoji eyi abo kidefu movement kpai abo kuma d'ọwọ tọ Kuma ch'atẹko kpai amẹnwu ekwu ọwọ anẹ, tẹknọlọji kpai ọna ẹnwu eche ọmẹmẹlẹ.
E ch'ẹnwu dama kpai Ọwọ eko dama
E ch'ẹnwu dama kpai Ọwọ eko dama a nẹ Movement wa le alu gba kw'efu uma ọgbọdu wa, am'ẹnwu ka l'efu má gwudu manyu am'ẹnwu ka meju eche ki chẹ kpẹru jọ ki jẹ ki ẹnwu eche nyọ nyọ wa kpai ohi edu nwu ẹgbiti ki nyọgba. Ẹnana ukpahiu wa kpai impact d'efu eche dufu uta eta eki amonẹ ache ẹnwu dama manyu e k'ọwọ dama ki a f'ẹnwu che ki n'ukpahiu kpai amẹnẹ ogbogaga efù uma alafa manyu e ki a tì e lẹ le nẹ uma kpai am'ẹnwu ekwu kuma a che atẹko wa ka che enwu titọ, ka gba ẹnwu manyu ki ẹnwu ki gba nyọgba. Efu Movement wa, a janyu oji ẹnwu e kọchẹ kw'ugbo omunẹ manyu ukọlọ ọwọ, uma, am'ẹnwu ekwu, anẹ ukọlọ eko nwu omunẹ kpai e d'ọwọ tọ ọgbọdu Movement. Ẹnwu eche dama kpai Ọwọ eko dama chẹ dọgba ichẹnw ki abo kuma ache ẹnwu tọ kpai abo kuma amu ọla uña du nẹ ukpahiu kuma achukọlọ dama, kọwọ dama,anẹ ki d'ọwọ kpọ ọla ma efu eche kpai enẹ ẹnwu kuma du tẹ ọgba. Ẹnwu kuma l'efunw gudu kpai ẹnwu kuma meju eche oji alu ku ma ache ki Movement wa ki nana kpai ki n'ukpahiu dẹ kpai uma ki amonẹ kpẹ.
Ẹnwu eche t'eju gede kpai Ohi eko
Ẹnwu eche t'eju gede ch'ẹnwu ogbogaga ki ajẹ nwu alu k'ẹnwu, onẹ e nẹ le, am'ẹnwu eche dama ki nẹru enedu eju manyu ya jẹ ki eche ẹnwu kpai Ohi eko nwu omunẹ ki dẹ. Am'ẹnwu k'ache a gbeju gèdè du ọgẹcha kpai ohi eko nwu omunẹ tọgba Ugbọ kuma kọ l'efu ẹnwu eche dama abo kuma a che ẹnwu, i ch'ukpẹ ki ẹnẹdu ki nẹ ohi eko alo todu ki neke nẹ olafia, ẹgbiti, manyu ki n'oji. Ẹtẹ eyi che kakini ẹnẹ du chẹ nukpẹ ki a che efu en'oji abẹ ki ama n'oji am'ẹnwu kuma ache (abẹki ma ma chen) a koji Movement. Ẹnwu ọgẹcha eche ajẹ ki ẹnẹdu ki nẹ ukpẹ efu ọna kate, kọ ek'ẹdọno oji am'ukọlọ wá, manyu ek'ẹchẹ ek'ẹdono efu abo kuma ache ẹnwu.
E b'ẹnwu jọ
e b'ẹnwu jọ a du ọna ña ẹñoche tanẹ alu ka le chẹnwu, am'ẹnwu k'ache manyu alu k'ẹnwu dẹ todu ki ukpahiu kpai am'ẹnwu ekwu wa neke t'ugbo kuma anẹ arida ki tule wa. E b'ẹnwu jọ che ene kpa ọna nyu ẹnwu ekwu e ch'ofu kuma neke nẹ ohi kuma a tene. Alu ka dọmọ ache ibe ki Movement strategy du wa lẹ a kọ ẹnwu oji emeju che ẹnwu kpai uma ekpẹ, ka la nọ gba am'ẹnwu okwu eki ọna kuma ache am'ẹnwu ki bọ ma ch'ukọlọn manyu ki abo ki nẹ arida d'efunw. Ọwọ onẹ neke tọ E b'ẹnwu jọ efu ẹnwu ki chẹ kpẹru ugbo du ki ma la nẹ alumejin da bu Movement Wikimedia l'efu ohi eko, ẹnwu eche efu ọgẹcha, e n'ẹnwule, ẹche ẹnwu ki dukpẹ ka te. I tene ẹnwu e go alo kpai iko ti iko du kuma neke kọchẹ ẹnwu manyu egba ẹnwu.
Ẹgbiti
Ẹgbiti a jẹnw ki che otila ki Movement wá ki chẹ lọla, ki jẹ takpa che nwu, ejefu kpai ugbọda ami ukpahiu, manyu e gwọnyu tẹ gbanẹ. Ugbo kuma ache ẹnwu ki chẹ gbiti chẹ n'ukpahiu ki ya dabi nẹ ọlanw dabi kw'efu am'ẹnwu ẹgbiti manyu e gba nyọgba alu ki dọmọ a le tọgba lo tugbo am'ẹnwu ki tene eche. Alu ki ọgẹcha kpai ohi eko gwọnyu dago, a neke le tọgba lo tugbo eko dufu amì óna ku ma ale che ẹnwu, am'ẹnwu kuma ache kpai am'ẹnwu kuma kojọ kuma dufu kw'efu ami uchẹ ibe ki Movement Strategy ko wa. Abalẹ gẹ, l'efu ẹnwu ego manyu e d'efu ami ọna kuma ale kuma mu ibe jọ, a neke che ojoji, agba ẹnwu weke hi ki, manyu ẹnwu e kọchẹ kw'efu uña dù.