Viki Ramazan ayını seve 2025 - bu Ramazan ayında kütülgen çeşit urf-adetlerni vesiqalaştıruvnı ve olarnen paylaşmaşuvnı közde tutqan bütündünya yarışı. 2025 senesi neşiri zengin medeniy tecribelerni, İslâm mirasını ve emiyetli İslâm erbaplarınıñ yaşayışlarını tanıtmaq içün Cezair, Bangladeş, İndoneziya, Mısır, Nigeriya ve Amerika Qoşma Ştatları kibi 32 memleketke bağışlanacaq. Toplanğan malümat Vikipediya, Vikikitaplar ve Vikivoyaj kibi platformalarda 26 tilde yayınlanacaq. Onlayn tedbirler ve tasil tedbirleri vastasınen Viki Ramazan ayını seve - 2025 çeşit toplulıqlarnı bir arağa ketirüvni, bilgilernen paylaşuvnı ve medeniy mirasnı inkişaf etüvni közde tuta.
Yarış 2025 senesi fevral 25-ten aprel 15-ne qadar devam etecek. Yarışnıñ maqsadı - Vikimedia platformalarında Ramazan ananeleri ve İslâm mirası aqqındaki añlayışlarnı arttırmaq.
Vazife
Viki Ramazan ayını seve 2025 Vikimedia leyhalarında Ramazan ananeleri ve İslâm tarihı aqqında bilginiñ eksikligini qapatuv maqsadınen ötkerile. Teşebbüs global iştirak etüvni teşviq etip, az temsil etilgen toplulıqlarnıñ küçlendirilmesini ve çoq tilde medeniy vesiqalarnıñ teşviq etilmesini maqsad tuta.
Körüs
Viki Ramazan ayını seve 2025-niñ vaziyesi - Ramazan aqqında etraflı ve çoq tilli bilgi hazinesini qurıp,
Ramazannıñ bütün dünyada qayd etilüviniñ çeşitligini köstermek. Bu areketniñ maqsadı - medeniy añlaşuvnı arttırmaq, yerli ananelerge olğan ğururnı keliştirmek ve Vikimedia platformasındaki İslâm toplulıqlarnıñ temsilini quvetlendirmek.
Maqsatlar
Viki Ramazan ayını seve 2025niñ esas maqsatları:
Ramazan ayınen bağlı mevzular ve müim İslâm erbapları aqqında 5 biñden ziyade maqale yaratmaq ya da tercime etmek.
Vikimedia leyhalarında, hususan, az temsil etilgen regionlarda, bildirişüv ve iştirak etüvni arttırmaq.
Ramazan ananelerini ve medeniy urf-adetlerni vesiqalaştıruvğa 32 memleketten ve 26 til toplulığından iştirakçilerni celp etmek.
Yerli teşkilâtçılarğa milliy seviyede teşebbüslerv keçirmek içün aletler, tasil ve resurslar bermek.
Mevzuat
Viki Ramazan ayını seve 2025 böyle mevzularğa bağışlanacaq:
Ramazan ayında medeniy ananelerni, merasimlerni ve yemek adetlerini vesiqalaştıruv.
İbadet yerlerini ve cemaat tedbirlerini kösterüv.
İslâm tarihinde belli şahıslarınıñ tercimeiallarını yaratuv ve inkişaf ettirüv.
26 Vikimedia leyhasında, şu cümleden Vikipediya, Vikivoyaj ve Vikikitaplarda çoq tilli isseler yapılmasını teşviq ettirüv.
Leyha virtual ve uyğunlaştırılğan tedbirlerni bir arağa ketirip, inklüzivlik ve irişilirlikni temin etmekte.
Mevzuat kölemi
İştirakçilerge aşağıdaki mevzularğa diqqat ayırmağa tevsiye etile:
Diniy merasimler: Oraza (Savm), dualar (Teravih, Teheccüd), Fitir zekât ve Oraza bayramnıñ qayd etilmesi aqqında maqaleler.
Ramazannıñ tarihı: Ramazannıñ tarihiy peyda oluvı ve vaqıt ile inkişafı.
Medeniy yönelişler: çeşit memleketlerde ve toplulıqlarda Ramazan ayı, şu cümleden iftar ve sahur kibi medeniy adetler nasıl etip qayd etile.
Meşur şahıslar: meşur İslâm alimleri, din erbapları ve Ramazannen bağlı belli şahsiyetlerniñ qoşqan isseleri.
Ramazan ve sanat: Ramazandan ilhamlanğan şiiriyet, muzıka ve edebiyat, Ramazannıñ medeniyetke tesiri.
Aşlar ve adetler: Ramazan ayında pişirilgen ananeviy aşlar, iftar ve sahur içün tarifler, çeşit medeniyetlerde yemek adetleri aqqında maqaleler.
Bu mevzunıñ tışında olğan maqaleler, Ramazannı daa yahşı añlamağa yardım etseler, qabul etile bile.
Maqsatlanğan kütle
Esas iştirakçiler arasında Vikimedia leyhalarına qoşulğanlar, yerli cemaat azaları ve medeniy vesiqalaştıruvnen meraqlanğan insanlar yer almaqta. İslâm memleketlerinde yetersiz derecede temsil etilgen cemaatlarnıñ celp etilmesine ayrı diqqat ayırılacaq. Maqsatlı regionlar arasında Cezair, Bangladeş, İndoneziya, Mısır, Nigeriya, Amerika Qoşma Ştatları ve başqa memleketler bar.
Esas faallikler
Yarışlar ve kampaniyalar:' kontent yaratuvnı rağbetlendirmek içün milliy ve halqara yarışlar.
Tasil ve nasiatçılıq: iştirakçilerniñ Vikimedia platformalarında semereli faaliyet köstermeleri içün onlayn sessiyalar.
Malümat programmaları: içtimaiy ağlar qullanıcıları arasında haberdarlıqnı arttırmaq içün kampaniyalar, plakatar ve bildirmeler.
Maalliy tedbirler: yerli cemaatlarnı celp etmek içün şahsiy ve virtual tedbirler.
Taqdirlenüv ve mukâfatlar: yüksek keyfiyetli isseler ve faal iştirak etüv içün mukâfatlar.
Beklengen neticeler
Ramazan ve İslâm mirasınen bağlı 5 biñden ziyade yañı ya da keliştirilgen maqale, resimler ve malümat qaydı.
Az temsil etilgen regionlardan ve til gruppalarından iştirakçilerniñ artması.
Medeniy vesiqalaştıruvnen meraqlanğan Vikimedia yazıcıları global ağınıñ quvetleştirilmesi.
Ortaqlar ve teşkilâtçılar
Muvafaqiyetli netice elde etmek içün "Viki Ramazan ayını seve 2025" böyle işbirliklerni maqsatta tuta:
yerli Vikimedia teşkilâtları ve qullanıcılar gruppaları, şu cümleden toplulıq iştiragı anketasına qoşulğan 32 memleketten temsilciler;
Ramazan aqqında malümat tarqatqan diniy ve medeniy müessiseler.
Qavrayışnı keñişletmek içün inflüyenserler ve maarifçiler.
Yarıştan soñraki iştirak etüv ve beklenilgen neticeler
Yarıştan soñ yapılacaq faaliyetler arasında soravlar, iştirakçilernen tanışuv ve muvafaqiyet ikâyelerini paylaşuv vastasınen neticelerniñ qıymetlendirilmesi olacaq. Teşebbüs cemaat iştiraki, çoq tilli içerikiñ yaratılması ve medeniyetlerara işbirlik aqqında qıymetli bilgiler berip, kelecek Vikimedia kampaniyalarınıñ temelini qoyacaq.
"Viki Ramazan ayını seve 2025", Ramazannı umumiy global adet olaraq qayd etip, bir bütün yanaşmasınen medeniyet ve tasildeki açıqlıqnı qapatmağa tırışa, em de aynı zamanda kelecek nesiller içün Vikimedia resurslarını zenginleştire.
Vikipediyada qayd etilgen er kes yarışta iştirak ete bile. Em tecribeli yazıcılar, em de yañı qoşulğanlar hoş qarşılanır. Mında iç bir coğrafik sıñır yoq ve Vikipediyağa er tilde qoşulğan isse müimdir.
İştirakçiler böyle etip yardım ete bileler:
Yañı maqaleler yaratmaq.
Mevcut maqalelerni kenişletmek ya da mükemmelleştirmek.
Maqalelerni başqa tillerge tercime etmek.
Olğan maqalelerge muaqqaq bağlantılar ve menbalar qoşmaq.
Ramazan ve urf-adetler'nen bağlı maqalelerge yüksek keyfiyetli resimler yüklemek.
Yarış, episi qayd etilgen Vikipediya qullanıcıları içün açıq.
Taqımlarnıñ qoşulmaları mümkün, amma mukâfat ekip azaları arasında bölünecektir.
Maqaleler Vikipediyanıñ er bir til bölügi içün resmiy istek saifelerine qoşulıp, yollanılmalı.
Yañı maqaleler (yarış iştirakçileri tarafından yaratılğan) eñ az 3500 bayt büyüklük talapına uymalı.
Mevcut maqaleler içün iştirakçiler yapılğan deñişmelerniñ qısqa beyanını bermek ve eñ az 3500 baytlıq kölem talabına uymaq kerekler.
Bütün malümat Vikipediyanıñ Bitaraf nazar noqtası (NPOV), Tekşirile bilüv (V) ve Asıl tetqiq yoqluğı (NOR) münderice siyasetine kelişmeli.
Maqalelerde plagiat ya da müelliflik aqlarınıñ bozuluvı olmamalı.
İştirakçilerniñ bir qaç maqale yollaması mümkün, amma yollanılğan er bir maqale yarışnıñ standartlarına uyğun olmaq kerek.
İçinde plagiat olğan, menbaları işançlı olmağan ya da Vikipediyanıñ siyasetine riayet etmegen maqaleler diskvalifikatsiya etilecek.
Teşkilâtçılar ve sponsorlar
Viki Ramazan ayını seve 2025 Vikimedia göñüllileriniñ global taqımı tarafından teşkil etilmekte. Yarış Vikimedia fondu ve yerli Vikimedia filialları tarafından desteklenmekte, olar mukâfatlarnı bere ve tedbirni populârlaştırmağa yardım eteler.
Sizler de teşkilâtçı, Vikimedianıñ ortaq azası ya da sponsor olaraq iştirak etmege isteseñiz, lütfen, teşkiliy komitetnen wikimediaramadangmail.com elektron poçtası vastasınen bağlanıñız ya da mında basıñız.
Çoq sual berilgenler (FAQ)
S1: Kimler iştirak ete bile?
Vikipediyada esabı olğan, yaşağan yerine ve tecribe seviyesine baqmadan er bir qullanıcı iştirak ete bile.
S2: Men ingliz tilinden ğayrı başqa tilde öz issemni qoşa bilemmi?
Ebet! Er bir tilde isse qoşmağa mümkün. Çoq tilli isseler içün mahsus mukâfatlar berilecek.
S3: Bir maqale üzerinde bir qaç qullanıcı çalışsa, ne olacaq?
Beraber yapılğan işler taqdirlene. Ğalebe qazanmaları taqdirde, maqaleni yaratqan qullanıcı onıñ muellifi sayılacaq.
S4: Maqalemni müddetten evel yollamaq kerekmi?
Ebet, yarışqa tek müddetten evel yollanılğan maqaleler kirsetilecek.
Ebet! Bitirilmegen ya da yeterli qadar toldurılmağan maqalelerniñ yahşılaştırılması taqdirlene ve yarışqa büyük isse olaraq tanıla bile.
Konkurs inkişaf etmesi ise saife deñiştirile bile, iştirak etüv saifeleriniñ bağlantıları, teşkiliy komitet aqqında malümat ve ihtiyac olğanda konkursnıñ qoşma qaideleri qoşula bile.
