WikiWomen Erasmus+/Toolkit foar learlingen/Essinsjeel op Wikipedy
Essinsjeel op Wikipedy
Stap twa fan de toolkit foar learlingen giet oer de essinsjele saken op Wikipedy. Yn dizze stap leare de learlingen de basis fan hoe't Wikipedy wurket. Fierder sille se leare wat it belang fan Wikipedy is as platfoarm foar it dielen fan kennis en it ûntwikkeljen fan ûndersyk, kritysk neitinken en skriuwfeardichheden. Boppedat leare se mear oer de doelen fan it WikiWomen-projekt.
De ynhâld fan dizze stap is opdield yn trije parten: de kultuer fan Wikipedy, betrouberens en objektiviteit en sitearjen op Wikipedy. Oer de kultuer fan Wikipedy is it wichtich om te neamen dat foar alle talen dêr't Wikipedy beskikber yn is, der in eigen groep fan minsken, in mienskip, wurket oan it behear fan de Wikipedy. De manier dêr't dat op dien wurdt ferskilt foar de Wikipedy's yn alle talen. Foar gruttere Wikipedy's binne gruttere teams mei minsken oan it wurk om de ynhâld te behearen, wylst dat foar lytsere Wikipedy's somtiden in hantsjefol minsken binne dy't dat yn de frije tiid dogge. Wannear'tst begjint mei it skriuwen oan in Wikipedy is it fan belang om der bewust fan te wêzen dat der ek oare minsken oan de oare kant fan de kompjûter sitte dy't mei dy oan Wikipedy wurkje. It is wichtich om eltsenien mei respekt te behanneljen.
Kultuer op Wikipedy
| Ynformaasje oer dit ûnderwerp | ||
|---|---|---|
| Ynstruksje | Fiif pylders fan Wikipedy | en:Wikipedia:Five pillars |
| Ynstruksje | It perfekte artikel | en:Wikipedia:The perfect article |
| Artikel | Foarbyld fan hoe't de perfekte biografy derút sjen kin | en:Hertha Ayrton |
| List | List fan Wikipedia’s | List fan Wikipedia’s |
Opdrachten foar yn 'e les
Stellingen foar diskusje yn 'e les
- Wat fynsto fan Wikipedy?
- Wannear tinkst dat it passend is om gebrûk te meitsjen fan Wikipedy?
- Brûksto Wikipedy yn dyn taal?
Betrouberens, objektiviteit
| Ynformaasje oer dit ûnderwerp | ||
|---|---|---|
| Ynformative fideo | Betrouberens op Wikipedia | https://drive.google.com/file/d/1KIXH9_mUO2W2Wg7esnMyAzAmKrAOmUUg/view?usp=sharing |
| Nijsartikel | Wikipedia ferbiedt de Daily Mail as 'ûnbetroubere' boarne | https://nos.nl/artikel/2157240-engelse-wikipedia-gebruikt-daily-mail-niet-meer-als-bron |
Opdrachten foar yn 'e les
Sitearjen op Wikipedy
| Ynformaasje oer dit ûnderwerp | ||
|---|---|---|
| Tekst | Boarnen sitearje | en:Wikipedia:Citing sources |
| Oefeningen yn de klasse | Learlingetaken | Mei it sitearark kinne learlingen in sin of in nije paragraaf taheakje oan harren Wikipedy-artikel of yn harren sânbak |