Desactivar temes anticuaos

Col envís d'usar meyor los nuesos recursos llendaos, dende'l 24 d'abril de 2013, tolos temes distintos de Vector legacy (2010), MonoBook, Modern y Cologne Blue desaniciáronse dafechu de MediaWiki y, poro, de toles wikis de Wikimedia. Si tienes la cuenta configurada pa usar unu de los temes anticuaos, camudaráse de mou automáticu al tema predetermináu de la wiki – Vector.

el tema Nostalgia, unu de los temes que tamos desaniciando

¿A cuántes persones afeuta esto?

Alredor del 0,53% de los usuarios activos de Wikimedia, y cerca del 0,39% de los usuarios activos con más de 1.000 ediciones. Tamién afeuta al 0,31% de los usuarios de Wikimedia que yá nun tan activos (ensin ediciones o accesos al sistema nos últimos seyes meses). Ta disponible un analís estadísticu completu.

¿Qué tengo de facer?

Si usabes Monobook, Modern, Cologne Blue o Vector (p. ex., si nunca camudasti esta configuración), esto nun t'afeutará, y nun necesites facer nada. Si anguaño uses un tema antiguu y nun te da más utilizar el tema predetermináu de cada wiki (Vector), nun necesites facer nada.

D'otra manera, pues dir a Preferencies en Ferramientes personales na parte superior de cualquier páxina, calcar na segunda llingüeta («Aspeutu»), y seleicionar ente «Vector», «Monobook», «Modern» o «Cologne Blue», llueu calca «Guardar» al final de la páxina. Si nun tas seguru de qué tema usar, pues siguir el mesmu conseyu pa sabelo.

¿Por qué ta faciéndose esto?

El motivu principal ye que les nueves carauterístiques que tamos desendolcando - avisos inter-wiki, meyores maneres de patrullar les páxines nueves, páxines d'alderique fáciles d'utilizar, y otros - significa que tenemos d'intentar integrales dientro de tolos temes. Nun podemos reemplazar el software vieyu por software nuevu que nun funciona pa una parte de la comunidá: cenciellamente nun ye aceptable.

El problema ye que por tener demasiaos temes antiguos, desendolcar con sofitu pa ellos ye caro en términos de tiempu de los desendolcadores (y tamién en términos de dineru de donativos). Cuanto más tiempu tengamos que dedicar a facer que daqué funcione con nueve o diez temes diferentes, menos tiempu tenemos para desendolcar nueves carauterístiques o mantener el software esistente. Esto tamién llenda les coses que podemos desendolcar, porque delles carauterístiques enforma útiles simplemente podríen nun funcionar con temes de 2001 o 2002. El resultáu final ye que tenemos d'escoyer ente producir software llimitáu mui despacio, frañer el sitiu para una parte de la comunidá, o desactivar temes; y escoyimos lo tercero.

¿Por qué se conserven esos cuatro temes?

Los temes que conservaremos disponibles - Vector, Monobook, Modern y Cologne Blue - seleicionaronse porque actualmente funcionen coles carauterístiques qu'ufrimos y/o tienen persones que los caltienen activamente. Vector ye'l tema oficial que proporcionamos y caltenemos anováu pa tolos desarrollos nuevos y pa iguar errores. Los otros trés (Monobook, Modern y Cologne Blue) tienen el sofitu principalmente de desendolcadores voluntarios qu'ufren el so tiempu pa caltener estos temes disponibles. Nós na Fundación Wikimedia trataremos de garantizar la "degradación sele" d'estos trés temes antiguos, de manera que les carauterístiques más nueves funcionen en cierta midida. Col tiempu, sicasí, si se ruempen podemos necesitar desactivalos.

¿Nun son meyores los temes antiguos pa les persones con conexones/ordenadores lentos?

Cuasique non. De vezu pasaba que los temes antiguos incluíen menos códigu y asina yeren meyores pa les persones con ordenadores lentos o con males conexones a Internet. Sicasí, dende un cambiu técnicu en 2011, esto ya nun ye verdá, y la diferencia nun ye significativa (como muncho dellos kilobytes, o menos del 5% de la carga útil d'una páxina típica).

Por otra parte, Vector y Monobook usen delles imaxes de fondu (non como, por exemplu, el tema Classic/Standard), lo que podría aumentar llixeramente la carga de la CPU. Modern y Cologne Blue tan llibres d'esti problema.

Los scripts JS/CSS personalizaos, escritos p'asonsañar los temes antiguos, producirán tamién un tiempu de descarga mayor.

Gustenme dalgunes coses d'unu de los temes antiguos. ¿Qué puedo facer?

Tolos temes de Mediawiki permiten al usuariu camudalos con personalizaciones específiques del usuariu usando Javascript y CSS. Pue camudar fácilmente unu de los temes esistentes (como Vector o Monobook) pa recrear elementos d'otru tema (como Classic o Nostalgia). Esto te permite conservar les carauterístiques que te gusten especialmente de los temes que desapaecerán ceo.

Si necesites ayuda, por favor, unvia solicitúes clares, posibles, y discretes a Tech describiendo qué carauterística específica d'un tema antiguu prestaríate ver nun tema nuevu. Por exemplu, "Taba usando'l tema Classic y agora quixera usar el Monobook. ¿Cómo configuro la fonte pa usar una serif en llugar d'una sans-serif?"