Movement Strategy/uz
Harakat strategiyasi – Vikimedia Harakati kelajagini tasavvur qilish va barpo etish boʻyicha hamkorlikdagi harakatdir. Ushbu strategiya yangi imkoniyatlar bilan birga qiyinchiliklarni yengish uchun tarkibiy va madaniy oʻzgarishlarni keltirib chiqaradi. Minglab koʻngillilar va yuzdan ortiq guruhlar ushbu strategiya haqida maʼlumotga ega boʻlishdi. Ayni paytda 2030-yilgacha mo‘ljallangan maqsadli harakatlar strategiyasi amalga oshirilmoqda. Har kim Harakat strategiyasiga fikr bildirishdan tortib loyihada doimiy qatnashishgacha oʻz hissasini qoʻshishi mumkin.
Strategiyani amalga oshirishda qoʻshadigan hissalaringiz muvaffaqiyatimiz uchun muhumdir. Hoziroq qoʻshiling!
Strategik yoʻnalish • Tavsiyalar • Tamoyillar • Tashabbuslar
Bepul bilimlar ekotizimida kelajagimiz
Vikipediya 2001-yilda barcha bilimlar yigʻindisini boshqalar bilan baham koʻrish uchun bir taklif sifatida boshlangan. Bugungi kunda Wikimedia dunyodagi eng yirik ensiklopediyani va boshqa koʻplab viki-loyihalarni taklif etadi, jumladan; Wikimedia Commons, Wikidata va boshqalar.
Ushbu muvaffaqiyatga qaramay, Wikimediachilar koʻplab qiyinchiliklarga duch kelishadi. Gender tafovutlari va kam vakillik guruhlarning ishtirokiga toʻsiqlar hanuzgacha saqlanib qolmoqda. Harakatimizning kuchi, manbalari va imkoniyatlari bir tekisda taqsimlanmagan. Senzura, nazorat va bilimlarni tijoratlashtirishning kuchayishi Wikimedianing mavjudligiga xavf solmoqda. Texnologiya va ijtimoiy tendensiyalarning rivojlanishi tufayli ishimiz eskirishi mumkin. Shunga qaramay, bu qiyinchiliklar va oʻzgarib borayotgan dunyo imkoniyatlarni ham taqdim etadi.
Odatdagi barcha Wikimedia tadbirlarida ishlash jarayonida turli guruhlar oʻrtasida strategiya yaratish tartibsiz va murakkab ish edi. Oxir-oqibat, tasavvurni shakllantirish uchun umumiy qarashlar va bilimlar toʻplandi. Ushbu jarayonning muvaffaqiyati Wikimedianing kuchi bu foydalanuvchilarining isteʼdodi, fidoyiligi va toʻgʻrisoʻzligida ekanligini isbotlaydi.
Bizni birlashtirgan narsa qilayotgan ishlarimiz emas; bularni nima uchun qilayotganimizdir.
Harakat strategiyasini tushunish
2030-yilga borib Wikimedia bepul bilimlar ekotizimining muhim infratuzilmasiga aylanadi va bizning qarashlarimizni oʻrtoqlashadigan har bir kishi bizga qoʻshilishi mumkin boʻladi.
Biz tinglash, oʻrganish va sinab koʻrishning foydaliligiga ishonamiz. Faqat ochiq muloqot orqaligina biz hamma uchun mos keladigan bepul maʼlumotlar bazasini yaratishimiz mumkin. Harakat strategiyasi barchani umumiy maqsad yoʻlida birlashtirishga yordam beradi. Ushbu jarayon tamoman ochiq, ishtirokchilar bilan, koʻp tilli boʻlishi kerak. Biz umumiy tamoyillarni baham koʻrgan holda barchani ushbu strategiyaga hissa qoʻshishga chorlaymiz.
Strategik yoʻnalish Vikimedia Harakatini 2030-yilgacha boʻlgan yoʻlda birlashtiradi va ilhomlantiradi. Quyidagi ikkita maqsad ushbu yoʻnalishning asosi hisoblanadi.
- Axborot xizmati sifatida – Koʻp formatlarda maʼlumot yetkazib beradigan va tarafdorlar uchun vositalarni ishlab chiqadigan platforma boʻlishi.
- Axborotning xolisligi – Kuch va imtiyoz tuzilmalari tomonidan chetlashtirilgan bilim va jamoalarga eʼtibor qaratish.
Ushbu maqsadlar bir-biriga oʻzaro bogʻliq. Biriga ikkinchisisiz erishib boʻlmaydi.
Strategik yoʻnalishda ishning turli sohalari boʻyicha oʻnta tavsiya keltiriladi. Har bir tavsiya aniq tashabbuslarni belgilaydi. Har bir tashabbus koʻplab tadbirlar va loyihalardan iborat boʻlishi mumkin.
Harakat strategiyasi tavsiyalarining barchasi bir-biriga bogʻliq va bir-birini yoqlaydi. Maqsadlar kabi, ularni alohida-alohida davom ettirish mumkin emas.Bizga qoʻshiling.
-
Harakat strategiyasi loyihalari roʻyxatini tekshiring; koʻpchilik koʻngillilarni qidirmoqda. -
Loyihangizni Harakatlar strategiyasi tashabbuslari va moliyalashtirish dasturida yarating yoki u bilan bogʻlang. -
Harakat strategiyasi forumiga tashrif buyuring va oʻz tilingizda oʻzingizni tanishtiring. -
Oʻz hududingizda Harakat strategiyasini targʻib qiling.
