سهائتا:گڏيل لاگ ان
عالمگير کاتن بابت
اھو ڇا آھي
وڪيميڊيا فائونڊيشن گهڻين ٻولين ۾ ڪيترائي سنوارڻ جوڳا وڪي هلائي ٿي. روايتي طور، واپرائيندڙن کي هر وڪي تي الڳ واپرائيندڙ کاتو ٺاهڻو پوندو هو. اهو ڪيترن ئي وڪين تي شرڪت ڪرڻ کي ڏکيو بڻائيندو هو، خاص طور تي جڏهن وڪيميڊيا ڪامنز ملٽي ميڊيا جي گڏيل استعمال کي وڌيڪ ضروري بڻايو ۽ وڪي ڊيٽا بين الوڪي ڳنڍڻن لاءِ مرڪزي وڪي بڻجي ويو.
توهان جو گلوبل اڪائونٽ انهن مسئلن جو حل ڪڍي ڏئي ٿو، ڇو ته اهو توهان جو نالو سڀني وڪين تي سانڍي رکي ٿو (ته جيئن ڪو ٻيو توهان جي نالي سان ٻھروپيو بڻجي نه سگهي) ۽ جڏهن توهان ڪنهن نئين وڪي تي پهريون ڀيرو وڃو ٿا، ته اهو پاڻمرادو طور تي توهان جو ڏيھي کاتو ٺاهي ٿو.
توهان Special:CentralAuth استعمال ڪري سگهو ٿا ته جيئن پنهنجي عالمگير کاتي بابت ڄاڻ ڏسي سگهو. توهان جيڪا اي ميل ۽ ڳُجھو ٻول يا پاسورڊ Special:Preferences تي مقرر ڪندا، اها سڀني وڪين تي استعمال ٿيندي. ان جو مطلب اهو آهي ته توهان ڪنهن به پبلڪ وڪيميڊيا رٿا ۾ رُڳو هڪ ئي يوزر نالي ۽ پاسورڊ سان لاگ ان ٿي سگهو ٿا.
اهو ڇا ٿو بدلي
ڪنهن به عوامي وڪيميڊيا وڪي تي يوزر نالو رجسٽر ڪرڻ سان اهو نالو پاڻمرادو سڀني ٻين وڪين تي سانڍجي وڃي ٿو؛ ان جو مطلب آهي ته هاڻ مختلف يوزر ساڳيو ئي يوزر نالو مختلف وڪين تي رجسٽر نٿا ڪري سگهن. واپرائيندڙن کي صرف هڪ ئي اڪائونٽ ۾ پنهنجي اي ميل مقرر ۽ پڪ ڪرڻي پوندي. ڪنهن به وڪي تي پاسورڊ تبديل ڪرڻ سان اهو پاڻمرادو سڀني وڪين تي تبديل ٿي ويندو.Special:UserLogin هاڻ يوزر کي ساڳئي وقت سڀني گڏيل وڪين تي لاگ ان ڪري ٿو، پر اهو دماڪ ۾ رکڻ گهرجي ته لاگ ان پني کان پورو لوڊ ٿيڻ کان اڳ هلي وڃڻ سان لاگ ان پورو نه ٿي سگهي (ڇو ته هي ڪم جاوا اسڪرپٽ استعمال ڪري ٿو، ۽ ڪجهه وڪين تي لاگ ان ناڪام ٿي سگهي ٿو).
واپرائيندڙ جڏهن پهريون ڀيرو ڪنهن نئين وڪي تي ويندو، ته اهو وڪي پاڻمرادو انهن جي لاگ ان ۾ شامل ٿي ويندو، ۽ ان وڪي تي هڪ ديسي کاتو ٺهي ويندو. مثال طور، جيڪڏهن ڪو واپرائيندڙ وڪيميڊيا ڪامنز ۽ جرمن وڪيپيڊيا تي سرگرم آهي، ته اهو پاڻمرادو انگريزي وڪيبڪس تي لاگ ان نه ٿيندو. پر جيڪڏهن اهو واپرائيندڙ انگريزي وڪيبڪس کي گھمي ڏسي، ته پوءِ هر ڀيري اهو پاڻمرادو لاگ ان ٿي ويندو. (توهان ڪهڙين ڪھڙين وڪين تي گھڙيا، يا، لاگ ان ٿيا آهيو، ان کي ڏسڻ لاءِ Special:CentralAuth تي وڃو.)
اھو ڇا نٿو مٽائي
- ڪجھ شيون اڃا تائين ڏيھي آھن:
- واپرائيندڙ حق گهڻو ڪري ڏيھي هوندا آهن، جنهن جو مطلب اهو آهي ته منتظمين کي هر جڳهه تي منتظمي رسائي مليل نه هوندي. عالمي گروپن جهڙوڪ گلوبل رول بيڪ، گلوبل سسٽم ايڊمن، گلوبل انٽرفيس ايڊيٽر، ۽ گلوبل آءِ پي بلاڪ کان ڇوٽ لاءِ درخواست Steward requests/Global permissions تي ڏئي سگهجي ٿي.
- واپرائيندڙ جون ترجيحات مقامي هونديون آهن، جيتوڻيڪ اي ميل پتو رڳو هڪ ئي جاءِ تي وجھڻو ۽ پڪ ڪرڻي پوندي. توهان مختلف وڪين تي مختلف ترجيحات رکڻ جاري رکي سگهو ٿا. ھا پر، جيڪڏهن توهان چاهيو، ته گلوبل ترجيحات به مقرر ڪري سگهو ٿا.[1]
- روڪون ديسي هوندا آهن، جنهن جو مطلب اهو آهي ته جيڪڏهن ڪنهن واپرائيندڙ کي هڪ وڪي تي روڪ يا بلاڪ ڪيو ويو آهي، ته هو اڃا به ٻين وڪين تي سنوارڻ جاري رکي سگهي ٿو، جيستائين ان خاص وڪي تي ڪنهن منتظم کيس بلاڪ نه ڪيو هجي. ھا پر، جيڪڏهن ڪو اڪائونٽ گلوبل لاڪڊ يا گلوبل روڪ ٿيل هجي، ته اهو سڀني وڪين تي لاڳو ٿيندو.
- واپرائيندڙ اڃا به ٻه مختلف وڪين تي الڳ نالن سان اڪائونٽ ٺاهي سگهن ٿا؛ ها پر، اهي اڪائونٽس هڪ گلوبل اڪائونٽ طور ڳنڍي نٿا سگهن.
- عالمگير کاتي جو سرشتو رڳو کليل وڪيميڊيا رٿائن لاءِ موجود آهي؛ جيڪي ويب سائيٽون ميڊيا وڪي سافٽويئر تي هلن ٿيون پر وڪيميڊيا فائونڊيشن پاران نه هلايون وينديون آهن، انهن وٽ اڃا به الڳ کاتو سرشتو هوندو، ها پر، جيڪڏهن انهن CentralAuth واڌارو انسٽال به ڪيو هجي، جيڪو گڏيل لاگ ان سرشتي جو ذميوار آهي.
وڪيٽيڪ
In February 2025, Wikitech was migrated to SUL. After the migration was complete, developer accounts are no longer required to edit pages on Wikitech.
اڪثر پڇيا ويندڙ سوال
ڇا منهنجو عالمگير واپرائيندڙ نالو تبديل ٿي سگهي ٿو؟
جي ھا. توهان نالو مٽائڻ جي درخواست هن فارم وسيلي ڏئي سگهو ٿا يا Steward requests/Username changes تي درخواست رکي سگهو ٿا، جتي ڪو اسٽيورڊ يا عالمگير نالو بدلائيندڙ توهان جي درخواست جي وچور ڪندو. وڌيڪَ تفصيل لاءِ عالمگير نالو بدلائڻ جي پاليسي ڏسو.
منهنجا ٻه يا وڌيڪ اڪائونٽ مختلف نالن سان آهن. ڇا انهن کي هڪڙي اڪائونٽ ۾ گڏائي سگهجي ٿو؟
جيڪڏهن اهي مختلف وڪين تي آهن، ته نظرياتي طور تي انهن کي هڪ عالمگير کاتي ۾ گڏائڻ ممڪن آهي، ها پر، اهو عمل منجھائيندڙ آهي ۽ ورلي ڪيو ويندو آهي. جيڪڏهن اهي ساڳئي وڪي تي آهن، ته پوءِ اڪائونٽن کي گڏ ڪرڻ بلڪل به ممڪن ناهي.
ڇا مون کي ٻين وڪين تي پاڻمرادو پڪ ٿيل (آٽوڪنفرمڊ) درجو ملندو؟
نه. توهان کي هر مخصوص وڪي تي پهريون ڀيرو لاگ ان ٿيڻ کان پوءِ گهربل وقت انتظار ڪرڻو پوندو ۽ گهربل تعداد ۾ سنوارون ڪرڻيون پونديون، ان کان پوءِ ئي توهان کي پاڻمرادو پڪ ٿيل (آٽوڪنفرمڊ) حيثيت ملندي.
ڇا مان جھليل-اڪائونٽ-ٺاھڻ وڪين تان اڪائونٽس گڏائي سگهان ٿو؟
نه، اهو ممڪن ناهي. Fishbowl ۽ Private wiki وڪيون گڏيل لاگ ان سرشتي جو ڀاڱو نه آهن ۽ پنهنجا الڳ اڪائونٽ استعمال ڪن ٿيون.
مون لاگ ان ٿيڻ بعد ٻي وڪيميڊيا وڪي تي لاگ ان ڪرڻ ۾ ناڪامي ڇو ٿي؟
اهو گڏيل لاگ ان سرشتي جي ناڪامي ناهي، پر عام طور تي برائوزر جي ڪوڪيز کي محدود ڪرڻ سبب پيش ايندڙ مسئلو آهي، جيڪو توهان جي لاگ ان ٿيڻ کي روڪي سگهي ٿو.
ياد رهي ته هر ڀيڻ وڪي جو پنهنجو الڳ بنيادي ڊومين نالو هوندو آهي، جھڙوڪ: wikipedia.org, wikimedia.org, wikisource.org وغيره، ۽ ڪوڪيز به ان پٽاندڙ سيٽ ٿينديون آهن. جيڪڏهن توهان جو لاگ ان بار بار ناڪام ٿئي ٿو، ته توهان کي فيبريڪيٽر تي بگ رپورٽ ڏيڻ تي ڌيان ڌرڻ گهرجي.