ContribuLing 2023

This page is a translated version of the page ContribuLing 2023 and the translation is 75% complete.

Presentasyon

Higit sa kalahati ng mga wikang sinasalita sa mundo ay kinokonsidera na'ng nanganganib ayon sa UNESCO Gayunpaman, isa sa mga pangunahing dahilan sa pagtutukoy sa kakayahan ng isang wika ng minorya na mabuhay ay ang presensiya nito sa digital na mga kagamitang ginagamit sa pang-araw-araw na buhay: mga keyboard, mga kagamitan sa pagtukoy ng boses, mga search engine, atbp. Nangangailangan ang pagdedebelop sa mga kagamitang ito ng pagsasadigital sa malalaking koleksyon ng mga pangwikang data (tulad halimbawa ng mga lexicon, diksyonaryo, corpora ng pagsulat at pagsalita, mga ontolohiya, atbp ), na nangangailangan naman ng mga ambag mula sa nagsasalita nito. Marami na'ng mga proyekto ang isinagawa sa nagdaang mga taon para maisaayos ang mga ambag na ito, ang ilan sa mga ito ay iprinisinta sa mga naunang edisyon ng ContribuLing. Nagsilitawan ang ilang mga isyu sa metodolohiya dahil sa pqgkakaroon ng mga platform na ito:

Ano-anong mga estratehiya ang dapat gamitin para hikayatin ang aktibong pag-ambag ng mga nagsasalita nito?
Paano dapat ba natin gamitin ang mga nakolektang data para gumawa ng mga kagamitang magagamit upang tustusan ang pangangailangan ng mga komunidad ng mga nagsasalita nito?

Kaganapan

Magaganap ang edisyong 2023 ng ContribuLing conference, na inorganisa kasama ng INALCO, Wikimédia France, at ang BULAC, sa darating na ika-12 ng Mayo online at sa Paris (Pransiya). Hinihikayat sa ikatlong edisyon na ito ang mga mungkahing nagpopokus sa mga isyu sa metodolohiya ng pag-aambag, habang nananatiling bukas sa kahit anong mga mungkahing nagbabalak na palakasin ang presensiyang digital ng mga wika ng minorya.