Jump to content

Politica de robots

Add links
From Meta, a Wikimedia project coordination wiki
This page is a translated version of the page Bot policy and the translation is 95% complete.
Outdated translations are marked like this.
Other languages:
Accesso directe:
BP
Iste pagina describe standards e directivas relative al robots que es imponite sur alcun projectos (vide Bot policy/Implementation); isto pote esser verificate visitante "Project:Bot policy" sur ille wiki, que debera punctar hic o rediriger al politica local.

Iste pagina es equalmente un politica sur Meta, includente le approbation automatic e le robots global. Pro requestar le accesso de robot sur Meta, per favor visita Meta:Requests for adminship#Requests for bot flags.

Robots es processos automatisate o semiautomatisate que modifica paginas con supervision human directe reducite o nulle. Perque robots pote potentialmente consumer ressources de servitor o disrumper le projecto, robots debe sequer le politica e directivas describite infra. Le politica describe le modo in que robots pote esser usate sur projectos applicabile; robots que non seque le politica pote esser blocate immediatemente usque le operator ha resolvite qualcunque problemas o non-conformitate.

Politica

Conto de robot

Un robot debe esser executate usante un conto separate del operator, perque nulle redactor human debe esser concedite un marca de bot. Su pagina de usator debe clar- e visibilemente indicar lo como un robot pro distinguer lo de redactores human, e operatores debe esser disponibile pro responder a qualcunque commentos. Nulle usator es permittite de utilisar scripts de responsa automatic. Alcun operatores pote optar pro rediriger le pagina de discussion del robot a lor proprie, si lor robot non es configurate pro deteger messages.

Autorisation

Existe tres manieras de obtener un accesso de robot sur un wiki.

Robots global

Le robots global recipe accesso sur tote le wikis que permitte le robots global. Desde le 12 de novembre 2022 e como resultato de iste RFC, le wikis de contento novemente create habera accesso de robot global activate per predefinition. Projectos local pote decider de optar pro o contra a qualcunque tempore per consenso communitari (vide lista). Operatores que sollicita un marca global de robot debe satisfacer le sequente requirimentos:
  • Le operator del robot debe comenciar sur Steward requests/Bot status#Global bot status requests un discussion que durara 2 septimanas;
  • Le discussion essera annunciate via MassMessage (Nove discussion sur robots global), ubi membros de communitate interessate e wikis pote esser subscribite;
  • Le operator del robot debe demonstrar que le carga del bot es benvenite sur multiple projectos Wikimedia. Un bon modo pro monstrar lo es esser marcate sur 5 o plus wikis pro un singule carga;
  • Le operator debe assecurar se de adherer al preferentia del wiki in relation al uso del marca de bot.
  • Le stato de robot global da al robot le accesso a un numero limitate de projectos e wikis ubi le marca de robot global es active. Un lista exhaustive es disponibile. (Tu pote requestar marcas de robot local sur projectos ubi le robots global non es permittite.)

Approbation automatic

Si le approbation automatic es explicitemente permittite sur le wiki, le operatores de robots pote requestar un marca de bot local directemente del stewards. Pro qualificar se pro isto, le sequente requirimentos debe esser satisfacite:
  • isto debe esser permittite per le politica de robots local o per le pagina de requesta local;
  • le robot debe modificar regularmente sin marca de robot durante al minus un septimana o facer 100 modificationes in le wikis applicabile pro scopos de demonstration;
  • le robot debe reparar solmente redirectiones duple.

Consenso communitari

In caso contrario, si il ha un communitate local interessate in processar sollicitationes de robot, le robots debe obtener le approbation del communitate sur le pagina de discussion local le plus relevante ante de modificar sin marca de robot a alte velocitate o sin supervision human. Un vice que il ha consenso, un bureaucrate local addera le marca, o un steward pote esser demandate de facer lo. Si il non ha un communitate local e le condition hic supra es inapplicabile, le robot debe operar sin marca de robot o non del toto.

Uso inacceptabile

  • Modificationes controversial: Robots pote esser usate pro facer modificationes que multo probabilemente es supportate per altere redactores local; illos non debe jammais esser usate pro facer modificationes controversial. Si tu intende expander le ambito del robot ultra lo que esseva supportate per le communitate, face nota de isto sur le pagina de discussion relevante pro assecurar te que il non ha opposition. Si tu marca de robot esseva concedite per approbation automatic, tu non debe exceder le limites describite sub "Approbation automatic".
  • Recuperation de datos: Robots non pote esser usate pro recuperar contento in massa pro qualcunque uso non directemente associate a un carga de robot approbate. Isto include le cargamento dynamic de paginas ab un altere sito web, lo que pote resultar in que le sito web es blocate e excludite permanentemente. Si tu vole discargar contento in massa o realisar un speculo de un projecto, per favor face lo per discargar o hospitar tu proprie copia de nostre base de datos.
  • Controlo orthographic: Nulle robot pote automaticamente corriger errores orthographic sin approbation explicite del communitate, particularmente in le spatio de nomines de contento principal. Non es technicamente possibile in le major parte del linguas automaticamente corriger errores orthographic sin un margine significative de error.

Remotion del stato de robot global

Permissiones de robot global essera removite:

  • A requesta del operator del bot
  • Si le bot es persistentemente usate pro facer cargas que es foras del ambito global del robot
  • Si le bot es trovate inactive, con le sequente provisiones:
    • Inactivitate se considera como qualcunque conto global de robot que non face alcun modificationes sur alcun projecto ubi le marca global de robot es permittite durante tote un anno.
    • Ante que le remotion del marca global de robot pro inactivitate es realisate, le operatores debe esser notificate al minus sur lor respective wikis domestic e sur Meta-Wiki.

Directivas

Nomine

Ben que non es obligatori, le nomine del robot deberea clarmente continer le parola "bot" in su nomine de usator pro distinguer lo plus facilemente de redactores human; le formas le plus commun es derivate del nomine de usator del operator (como Pathosbot), o usante le stilo de disambiguation (como Xenophon (bot)).

Limite de frequentia de modification e horas de puncta

Robots functionante sin un marca de robot debe modificar a intervallos de plus de 1 minuta inter modificationes (= minus de 1 modification per minuta). Un vice que illos ha essite autorisate e appropriatemente marcate, illos debe operar a un intervallo minime absolute de 5 secundas (12 modificationes per minuta). Robots debe tentar evitar de functionar durante le horas le plus occupate, perque illos rapidemente usa ressources de servitor que debe esser reservate pro lectores e redactores human. Durante iste horas, illos debe operar a intervallos de 20 secundas (3 modificationes per minuta) pro conservar ressources.

Le velocitates de modification de robots pote esser automaticamente adjustate a base del carga del servitor (latentia del servitor de base de datos sclave) per adjunger un parametro extra al catena de consulta de cata URL requestate; vide le documentation de maxlag sur MediaWiki.

Supervision

A minus que le bot es publicamente declarate de functionar de forma autonome, le operator debe restar disponibile, controlar occasionalmente su messages, e esser preste a disactivar le robot si illo non functiona como desirate o si planctos es recipite. Si le operator non es disponibile, le robot pote esser blocate usque qualcunque problemas es resolvite.

Melior practicas

Per favor lege wikitech:Help:Toolforge/Developing successful tools pro recommendationes forte que rendera le vita plus facile pro te e pro tote le alteres in le futuro!

In breve:

  • Elige un licentia
  • Publica le codice
  • Cerca co-disveloppatores
  • Scribe documentation

Vide etiam

Retrieved from "https://meta.wikimedia.org/w/index.php?title=Bot_policy/ia&oldid=27492948"