Wikimedia URL Shortener/ckb
ویکیمیدیا یو ئاڕ ئێڵ شۆرتنەر تایبەتمەندییەکە کە ڕێگەت پێدەدات بۆ دروستکردنی کورتکراوەی URL بۆ هەر پەڕەیەک لەسەر پرۆژەکان کە لەلایەن دامەزراوەی ویکیمیدیا بەڕێوەئەبرێن، بۆ ئەوەی دووبارە بەکاربێنەوە لە شوێنەکانی تر، بۆ نموونە لە تۆڕە کۆمەڵایەتییەکان یان لە ویکیپیدیا.
چۆن بەکاری بێنین؟
ئەتوانی لە مێتا ویکییەوە لە پەڕەی تایبەتی تایبەت:کورتکراوەی URL دەستت بە تایبەتمەندییەکە بگات.
لەو پەڕە تایبەتەدا، ئەتوانیت هەر وێب ئەدرێسێک لە خزمەتگوزارییەکەوە دابنێیت کە لەلایەن دامەزراوەی ویکیمیدیایەوە بەڕێوەئەبرێ (بڕوانە لیستەکەی خوارەوە). بۆ دروستکردنی URLێکی کورتکراوە کلیک لەسەر Shorten بکە. پاشان ئەتوانیت لە هەر شوێنێک لەبەریگریتەوە و دووبارە بەکاری بێنیتەوە.
فۆرماتەکەی URL بریتییە لە w.wiki/ و دواتر ڕیزێک پیت، ژمارە یان چەند پیتێکی تایبەتی تر.
بەپێی ئەو ماڵپەڕەی کە بەکاری ئەهێنیت، لەوانەیە پێویستت بە زیادکردنی پێشگری https:// بێت بۆ ئەوەی وەک بەستەرێک بناسرێتەوە. بۆ نموونە لە ویکیدا w.wiki/A وەک بەستەرێک ناناسرێتەوە بەڵام https://w.wiki/A ئەناسرێتەوە.
لە ویکی خۆتدا، ئەتوانیت داڕێژەیەک دروست بکەیت بۆ پیشاندانی بەستەرەکان وەک بەستەری ناوخۆیی، بۆ نموونە سەیری داڕێژە:کورتراوەی URL لەسەر ویکیپیدیای ئینگلیزیی بکە.
لیستی سایتەکانی پشتگیریکراو
بۆ دڵنیابوون لە ئاسایشیی بەستەرەکان، و بۆ دوورکەوتنەوە لە بەستەری کورتکەرەوە کە ئاماژە بە ماڵپەڕە دەرەکییەکان یان مەترسیدارەکان دەکەن، کورتکەرەوەی URL سنووردار دەکرێت بە خزمەتگوزارییە تایبەتەکان کە لەلایەن دامەزراوەی ویکیمیدیایەوە بەڕێوەئەبرێ. ئەمەش بریتییە لە:
- هەموو پڕۆژەی ناوەڕۆکی ویکیمیدیا (ویکیپیدیا، ویکیداتا، کۆمۆن، ویکشنەری و هتد)
- مێتا (https://meta.wikimedia.org)
- میدیاویکی (https://www.mediawiki.org)
- خزمەتگوزاریی کویریی ویکیداتا (https://query.wikidata.org)
- دیف بلۆگ (https://diff.wikimedia.org)
- فابریکەیتەر (https://phabricator.wikimedia.org)
- خزمەتگوزاریی پادی هاوبەش (https://etherpad.wikimedia.org)
- گێریت (https://gerrit.wikimedia.org)
کورتە بەستەرەکانی ئێستا
کاتێک بەستەرێک کورت دەکەیتەوە، سیستەمەکە بە بەراورد بەو بەستەرانەی کە پێشتر لە بنکەدراوەدا هەن، پشکنینی بۆ دەکات، بۆ ئەوەی دووبارە نەبێتەوە. ئەگەر هەوڵبەیت بەستەرێک کورت بکەیتەوە کە پێشتر لەلایەن کەسێکی ترەوە کورتکراوەتەوە، سیستەمەکە URLێکی نوێ دروست ناکات بەڵکو کورتکراوەی هەبوو ئەگەڕێنێتەوە.
پێشتر هەندێک بەستەر دروستکراون، کە ئاڕاستە ئەکرێنەوە بۆ هەندێک لە پڕۆژەکانمان.
| Shortlist |
|---|
|
ئاسایش
ئەم تایبەتمەندییە بۆ ئەوە دانراوە کە ڕێگەیەکی پارێزراو بۆ کورتکردنەوە و هاوبەشکردنی بەستەرەکان بۆ سەرنووسەرانی ویکیمیدیا دابین بکات.
- کورتکەرەوەی URL تەنها ئەو بەستەرانە وەرئەگرێت کە لە هەندێک دۆمەینی هەڵبژێردراوی کۆنتڕۆڵکراوی دامەزراوەی ویکیمیدیادان، بۆیە هیچ ماڵپەڕێکی دەرەکیی ناتوانرێت وەکو بەستەر بەسترێت
- ئەو بەکارهێنەرانە یان ئایپیانەی کە ناتوانن دەستکاری مێتا ویکی بکەن (بلۆک کراوە) ڕێگەیان پێنادرێت URLی کورت دروست بکەن
- ئەگەر حاڵەتێکی سەختی ئاشکراکردنی زانیاریی هەبوو، بەڕێوەبەران دەتوانن URLێکی کورت بسڕنەوە
- خۆپاراستن لە خراپ بەکارهێنان زیاد کراوە: سنووری ڕێژەکە ١٠ دروستکردنە لە هەر ٢ خولەکێکدا بۆ ئایپی و ٥٠ بۆ ئەو بەکارهێنەرانەی لە ژوورەوەن.