2015年8月維基媒體亮點

This page is a translated version of the page Wikimedia Highlights, August 2015 and the translation is 100% complete.

呢篇文為維基媒體網誌2015年8月嘅亮點摘錄。

幾百個英文維基百科上同破壞者有關嘅賬戶喺調查中被發現。佢哋嘅用戶名（綠色）同IP地址（黃色）已經從圖像中移除。 Graph by James Alexander, freely licensed under CC BY-SA 3.0.

經過幾個禮拜嘅調查，英文維基百科上嘅志願編輯者在8月31日宣佈話佢哋封鎖咗381個用於「黑帽子」編輯的用戶帳戶。除咗封鎖呢啲「襪公仔」帳戶（即係用幾個帳戶嚟誤導人或者呃人），啲編輯者仲刪除咗210個由佢哋建立嘅文章。通過呢啲行動，志願編輯者已經企硬，反對秘密嘅有償宣傳。

德國戰艦「鐵必制號」就出海嗰陣時。當佢喺1940年開始服役時，佢係世界上最宏大又最現代化嘅戰艦之一。 Photo from the German Federal Archives, freely licensed under CC-by-SA 3.0.

維基百科用戶兼管理員Nick Dowling喺英文維基百科上寫咗三篇關於皇家海軍喺第二次世界大戰期間試圖沉沒德國鐵必制號戰艦嘅正文。佢講述咗佢面臨嘅阻礙，同埋點樣去戰勝呢的阻礙。

坐喺長櫈上嘅 Guillaume。 Photo by Cary Bass, freely licensed under CC BY-SA 3.0.

兩年前，維基百科編輯 Guillaume Paumier 發現佢有自閉症。當佢更加了解佢自己同埋佢大腦點運作，Guillaume 就開始透過呢個新角度去回望過去嘅經驗。佢會分享一啲從佢成功、失敗，同埋以前好多嘅困惑所學到嘅嘢，尤其是關乎喺維基媒體運動中嘅經歷。

喺維基狂歡節2015嘅內容翻譯會議。 Photo by Amire80, freely licensed under CC BY-SA 4.0.

維基狂歡節2015——世界各地嘅維基人第十一次嘅年度盛會——最近喺墨西哥城舉行。維基媒體基金會嘅語言工程隊參加咗黑客松同埋維基狂歡節嘅會議，舉辦咗幾個講座同埋兩個翻譯研討會。主要嘅焦點係內容翻譯項目——同用戶溝通，了解佢哋嘅問題，並提高人們對呢個新文章創建工具嘅認識。

內容翻譯係一個測試功能，提供畀所有語言嘅維基百科上所有登入咗嘅用戶。你可以跟住說明去開始使用呢個工具，而喺常見問題欄有更多嘅幫助。我哋亦邀請參加者去我哋嘅測試會議，而你亦都可以幫手翻譯內容翻譯嘅使用者介面訊息。你可以喺項目嘅討論頁上面提供反饋意見。

一班參與者。 Photo by Diego F. Gómez, freely licensed under CC-BY-SA 4.0.

過去呢個六月，喺哥倫比亞嘅波哥大，Wikimedistas de Colombia 呢個用戶組聚集一齊去開始討論維基百科點樣用嚟記錄同分享國家嘅瀕危土著語言。講土著語言的人士從哥倫比亞各地嚟，去分享佢哋嘅經歷、知識同資源去幫手。

參加者一齊諗維基百科對哥倫比亞嘅土著語言可以有幾大影響，包括使用呢個網站嚟幫助講土著語言嘅年輕一代得到佢哋自己語言嘅文章同媒體，咁樣就會幫到縮細土著語言同以西班牙文為課室主要語言嘅教育之間嘅差距。

Coding da Vinci精選咗20個唔同嘅項目，並提供咗600,000件文件畀維基共享資源。 Photo by Thomas Nitz/Open Knowledge Foundation Deutschland, freely licensed under CC BY 2.0.

多得有最近喺柏林猶太博物館舉行嘅一個文化數據黑客松Coding da Vinci，維基共享資源而家多咗600,000 個免費嘅文件可以使用。呢啲文件從百年老電影，到機械鋼琴嘅錄音帶、二戰嘅相、乾花嘅掃描，以及其他藝術品同文化遺產都有，全部都係從德國的博物館、檔案館同圖書館採購。

Andrew Sherman, Digital Communications Intern, Wikimedia Foundation