Editor visual/Boletín/2018/Febreru

Lleer esto n'otru idioma • Llista de suscripción a esti boletín multillingüe

¿Sabíeslo?

¿Sabíes que puedes usar la ferramienta de diferencies visuales en cualquier páxina?

N'ocasiones, ta malo de ver los cambeos importantes nel visor de diferencies de testu wiki. Esti pantallazu de diferencies nel testu wiki (pulsiar pa engrandar) amuesa que se reordenaron los párrafos, pero nun resalta'l desaniciu d'una palabra o l'añadíu d'una frase nueva.

Si actives la función Beta de "⧼visualeditor-preference-visualdiffpage-label⧽", tendrás una opción nueva. La mesma va date un cuadru nuevu na parte cimera de cada páxina de diferencies (diff). Esti cuadru va permitite escoyer cualquier sistema de revisión de diferencies en cualquier edición.

Pulsia nel botón conmutador pa cambiar ente'l visor de diferencies visual ya'l de testu wiki.

Nel visor visual, van resaltase los añadíos, desanicios, enllaces nuevos y cambeos de formatu. Otros cambeos, como'l cambéu del tamañu d'una imaxe, descríbense nes notes al marxe.

Esti pantallazu amuesa la mesma edición de diferencies que col testu wiki. L'estilu visual resalta'l desaniciu d'una palabra y l'añadíu d'una frase nueva.

Puedes lleer y ayudar a traducir la guía del usuariu, que tien más información tocante al usu del Editor visual.

Dende l'últimu boletín, l'Equipu d'Edición pasó la mayor parte del tiempu apurriendo encontu al editor de códigu wiki 2017, que ta disponible dientro del editor visual como carauterística Beta, y ameyorando la ferramienta visual de diferencies. El plan de trabayu ta disponible en Phabricator. Puedes atopar enllaces al trabayu termináu cada selmana en mw:VisualEditor/Weekly triage meetings. Les prioridaes actuales son iguar errores, dar encontu al editor de códigu wiki 2017, y ameyorar la ferramienta visual de diferencies.

Cambeos de recién

• L'editor de códigu wiki 2017 ta disponible como carauterística Beta nos equipos d'escritoriu. Tien la mesma barra de ferramientes que l'editor visual y puede usar el serviciu citoid y otres ferramientes modernes. L'equipu comparó'l rindimientu de distintos entornos d'edición. Estudiaron cuando tiempu tarda n'abrir la páxina y empezar a editar. L'estudiu usa datos de más d'un millón d'ediciones ente avientu y xineru. Fixéronse dellos cambeos p'ameyorar la velocidá del editor de códigu wiki 2017 y del editor visual. Apocayá, l'editor de códigu 2017 abrió más rápido pa la mayoría de les ediciones, ya'l WikiEditor 2010 foi más rápidu pa delles ediciones. Publicaráse más información en mw:Contributors/Projects/Editing performance.
• La ferramienta visual de diferencies desendolcóse pal editor visual. Agora ta disponible pa tolos usuarios del editor visual y del editor de testu wiki 2017. Cuando revises los cambeos, puedes alternar ente les diferencies en testu wiki o visual. Tamién puedes activar la nueva carauterística Beta pa «Diferencies visuales». La carauterística Beta te permite usar la ferramienta visual de diferencies pa ver les ediciones d'otres persones nes páxines d'historial y Special:RecentChanges. [1]
• Resaltáu de sintaxis de testu wiki ta disponible como carauterística Beta pal editor de testu wiki 2017 y pal editor de testu wiki 2010. [2]
• El serviciu citoid traduz automáticamente los númberos d'id de les URL, DOI, ISBN y PubMed a plantíes de cita en testu wiki. Ye bien popular y útil pa los editores, anque puede ser un pocu complicáu de configurar. La to wiki puede tener esti serviciu. Llei les instrucciones. Puedes pidir ayuda al equipu p'ayudate a activar citoid na to wiki.

Trabayemos xuntos

• L'equipu va falar sobre ferramientes d'edición na próxima xunta de métriques y actividaes de la Fundación Wikimedia.
• Wikillibros, Wikiversidá y otres comunidaes podríen tener l'editor visual disponible de mou predetermináu pa los editores. Si la comunidá quier esto, por favor comunícate con Dan Garry.
• El bloque <references /> puede amosar automáticamente les llistes de referencies llargues en columnes nes pantalles anches. Esto fai más fácil lleer les notes al pie de de páxina. Puedes solicitar encontu pa múltiples columnes pa la to wiki.[3]
• Si nun tas lleyendo esto nel to idioma preferíu, ¡ayúdanos coles traducciones! Suscríbete a la llista de corréu de los traductores o comunícate con nós direutamente. Avisarémoste en tando disponible pa traducir la próxima edición. Thank you!

—Elitre (WMF)