技術新聞：2023年第20週

技術論壇

技術新聞

技術大使

維基媒體產品

MediaWiki

《技術新聞》係幫你睇實維基軟體嘅週刊，同你撮要滙報有乜最近改過嘅嘢最有可能會影響你或者其他維基友。你可以訂閲、幫手寫或者畀意見。

你可以翻譯呢版嘅常用系統訊息

上個

2023年第20個禮拜（2023年5月15號禮拜一）

下個

技術新聞：2023年第20週

就算啲改動唔影響你，都麻煩你將消息傳開去⸺維基媒體技術社羣帶畀你最新嘅技術新聞⸺唔想睇粵文？有得揀！

故障簡報

• 引出處唔用模直接打國際書號壞咗，受影響嘅包括即見編輯嘅 ｢自動｣ 功能同用 citoid 應用程式介面嘅架生同自訂嘅 Javascript（user scripts），功能正在修復之中。 [1]

本週嘅事

• 5月16號起， MediaWiki.org 同所有測試用嘅維基將會行新版嘅 MediaWiki，17號起部份維基百科同所有唔係維基百科嘅維基會行新版，18號起所有維基行新版（睇日曆）。
• 禮拜三開始將會繼續喺維基百科陸續推出 ｢加拎｣ 功能，今次係輪到哥倫打洛文、豪薩文、客家話、夏威夷文、斐濟印地文、克羅地亞文、上索布文、海地歸融話、國際文、西方國際語、依波文、伊洛卡諾文、Ingush、伊多文、冰島文、因紐特文、Jamaican Patois 同爪哇文維基百科，受影響社羣可以設定個功能點行。 [2]

將來嘅事

• 維基媒體基金會最新成立咗研究新架生嘅工作小組，目前整緊一個擴充模組原型，用來畀喺維基媒體嘅轄下維基用用 ChatGPT 幫手寫嘢嗰陣可以正確引用出處。
• 如果有寫架生仔或者自訂 Javascript（userscripts）唔該將 ｢jquery.cookie｣ 全部改用 ｢mediawiki.cookie｣，因為 ｢jquery.cookie｣ 函式庫會喺大概一個月內鏟走，到時維基媒體嘅工作人員會用機械人將未改嘅改嗮佢。 [3]

技術新聞　係由技術新聞編者寫稿・然後由機械人發送。 你可以　幫手寫・幫手譯・問問題・畀意見・訂閲/退訂。