AbuseFilter Global/Béwara 2014
Bagéa,
AbuseFilter nya éta éksténsi MediaWiki pikeun nyingkahan vandalismeu jeung spam. Kuncén jeung para pamaké anu dibéré kawenangan nyieun saringan anu nganalisa rupa-rupa peta ka wiki (sarupaning ngédit jeung nyieun akun) sarta detéksi pola paripolah anu sigana mangrupa penyalahgunaan (Contona, éditan anu eusina aksara éta-éta kénéh). Anu ngokolakeun AbuseFilter bisa nyirian unggal filter salaku publik atawa pribadi. Filter publik ngawenangkeun sakabéh pamaké pikeun nempo sandi sumber filter sarta log hit anu tumali (mangsa filter diaktifkeun). Filter pribadi (sandi sumber jeung hit) ukur bsia dibuka ku anu ngokolakeun AbuseFilter.
Saringan AbuseFilter bisa nyocogkeun éditan, pamindahan kaca, muatan berkas, jieunan akun, jsb. Anu nyieun AbuseFilter bisa milih ti antara peta ieu nalika manggihan éditan anu cocog: tag éditanana, malikkeun éditanana, ngageuing pamaké anu migunakeun talatah antarmuka custom, atawa meungpeuk pamaké. Nalika aya éditan anu nyangsang dina filter, datana bakal asup kana log. Dokuméntasi lengkep ngeunaan éksténsi AbuseFilter disadiakeun di MediaWiki.org.
Hanca téknis pikeun nyieun AbuseFilter global (dina sakumpulan wiki Wikimédia) dilalanyahan taun 2009. Taun 2012, proposal pikeun nyieun AbuseFilter Global disusun di Meta-Wiki. Geus aya voting dina kaca sawala Meta-Wiki, kalawan hasil lolobana ngarojong, ngan hanjakal teu loba anu aub kana éta sawala. Geus ampir dua taun, proposalnya ngagantung, tapi ari kamekaran téhnisna mah mayeng. Taun 2013, AbuseFilters Global geus difungsikeun di sababaraha wiki (metawiki, specieswiki, incubatorwiki, testwiki, test2wiki, mediawikiwiki, jeung "wiki laleutik"). Ieu téh minangka uji coba. Kiwari, filter global geus dijalankeun ogé dina "wiki ukuran panengah". Sababaraha aturan ngeunaan filter global geus diajukeun, tapi can kungsi nepi ka anggeus. Ayeuna keur lumangsung jajal pamanggih dina hal kawijakan dipakéna AbuseFilters global. Pikeun saheulaanan, sawatara wiki bisa numpurkeun fungsi AbuseFilter global. Carana, mangga ngadamel rekés di Global AbuseFilter/Opt-out wikis.