Persidangan ESEAP 2024/Sikulasip

This page is a translated version of the page ESEAP Conference 2024/Scholarships and the translation is 100% complete.

Pisokodungan id labus do horizon
Tadauwulan: 10 - 12 Mikat 2024 ∙ Kota Kinabalu, Malaysia

Walai

Koilotumboyoon om koumoligan

Ruputan

Poguhatan insaru uhoton

Apply for scholarships

Scholarships Timeline

Scholarships Criteria

Applicants Demographics

Help

Soginumu 100 Wikimedian di naalap do mampai ontok Persidangan ESEAP 2024 Sabah montok mitorungak. Kiharo nogi sesi hybrid montok di au kaanu mampai maya mitorungak.

Koilaan Impohon

Sikulasip poimponu nopo nga garan i tahakon kumaa sosongulun mooi do kaanu yolo tumindapou id Persidangan ESEAP 2024 miampai mitorungak.

Sikulasip nopo diti nga monokodung do kousinan montok roromu id siriba;

Pangapalayan Visa
Kotuludan: Montok tutubpoon kapal id suang ESEAP om tonggungon goduo' kapangayan om kogulian.
Tionon
Taakanon daasom do sesi
Insuran kolidasan di kirontob

Binarayan sondii toi ko' binarayan do puru miniamung: Ii no takaanon i sinokodung montok bayaran sondii toi ko' binarayan do puru miniamung om nuru yolo monuang foom di pinotounda id siriba montok tumindapou id persidangan miampai minsosondii tu kinoyonon nopo montok di mambayar sondii nga poinrontob.

Intangan kawagu do puruan kikuasa sikulasip o koinsanai pangapalayan maya sistem poingimpou point. Ii nopo kikosiwatan kaanu sikulasip nga ii no affiliate om sosongulun. Basaon miampai pointilombus do hiti.

Pangapalayan sikulasip

Basa'on o hak dokoyu kokomoi data privasi dhiti.

Oukaban o pangapalayan do sikulasip mantad 26 Momuhau 2023 gisom 15 Milatok 2024. Pootodon o pason dokoyu id liwang pibarasan montok nunu nopo poguhatan.

Pangapalayan sikulasip borang - NOTUTUPAN NO.

Poguhatan om ponginsamakan i posoguon montok do monimbar dii
Poguhatan	Tip
Kapamanahan om kointalangan di milo romuton	Id boogian diti, potunudon no sisimbar nu. Poguhatan potilombus kokomoi passport om suusuai po pokionuon nung osiliu ko mononorimo di nakalantoi.
Demografik statistik	Mokianu yahai koilaan diti montok tudu statistik, montok papatantu do kopogisusuayan nopo do pangapalayan nga okito id suang kapanahakan do sikulasip. Poruputon o data diti maya no agregat.
Poguhatan panahangan	Poguhatan ngaawi nopo id siriba nga poguhatan di oponsol tu tahangon o pangapalayan dokoyu. Au no yahai kaandad do monorimo tua pomusarahan di osonong om noputan di monokodung.
Sokiro haro sosongulun koruba diya om moguhot "Nunu o Wikimedia?" nunu ponimbar nu?	Manu da yahai mamarati laang dokoyu popohompit tulun labus id sorili Wikimedia. Nokuro tu oponsol o misi Wikimedia montok pomogunan? Poingkuro ii do berfungsi? Nokuro tu nuru yolo do opusou? Posoguon iso sisimbar id pangaan. Sokodungon o karaja dokoyu sondii miampai sukuon om noputan nung milo.
Piro no linaid nu kohompit id projek toi ko' guraan Wikimedia?	Patayadon miampai atalang o timpu dokoyu poinhompit, au intobon tulan toi ko' toun. Kapanahak iti do sisimbar di otolinahas montok poguhatan dii. Nung nakapanahak kou do sakadai toi ko' minampayat id suang ababayan pointantu id suang projek toi ko' guraan Wikimedia, patayadon miampai otigas. Osonong do sisimbar nopo nga id bontuk iso pangaan. Poindalanon o panahangan diti montok manahang do otutunan dokoyu miampai projek Wikimedia, wagu kou po nangku ko nosiliu no sukarelawan kikoinganan id timpu tanaru.
Sunudai yahai kaampayatan kawawagu dokoyu id walai wiki toi ko' guraan Wikimedia di lobi agayo. Nunu o nokoindalan toi ko' sakadai dokoyu montok monginsonong walai wiki toi ko' komuniti? Nokoumbal kou nangku minomuruan toi ko' minapaanjul do nunu-nunu ababayan dii? Hombo tiso ababayan di oponsol kopio montok dia, au mongintong do asil? Posunudo o ababayan di nokoindalan solinaid 12 tulan nakatalib.	Montok poguhatan diti, koinsoruan nopo nga tahangon dahai kaampayatan om ababayan 12 tulan nakatalib, dadi maan no kopio dokoyu onuai tarad ahal diti. Nung minog, milo kou nogi popoilo ababayan potilombus miampai sajara om kaampayatan id suang dii. Lobi sonong nung sisimbar nopo nga korikot do duo gisom tolu o pangaan. Sokodungon o karaja dokoyu miampai sukuon om noputan di kohompit.
Manakadai kou nangku miampai aktif id projek Wikimedia montok popoimbulai kopogisuayan, kohompit nga au poinrontob do boros, koubasanan om aspek suai i au songkuro noobian? Nung oo, panahak do poomitanan atalang kokomoi kaampayatan id suang inisiatif toi ko' projek i kaanu monokodung kopogisuayan maya komuniti Wikimedia.	Poguhatan diti manahang do gisom hinonggo sakadai aktif dokoyu kumaa do projek Wikimedia miampai tarad montok popoinggumu kopogikaakawahhan. Kitudu iti montok mamarati do kohompit kou id suang inisiatif toi ko projek ii nokoindalan do mogikaakawo maya poimbida, poinhanggum do mogikaakawo boros, koubasanan om roromu suai ii mobi do komuniti Wikimedia. Poguhatan diti nogi nga kitudu montok monuku komitmen om goos dokoyu montok popromosi keterangkuman om kopogikaakawahan id suang konteks projek Wikimedia.
Poingkuro kou kopihuyud miampai om manakadai do dimpoton id suang Strategi Guraan Wikimedia?	Minggoos yahai do mamarati poingkuro abaabayan, goos om kaampayatan dokoyu id suang komuniti Wikimedia kotunud do objektif om aspirasi poimponu ii pointunud id rangka kalaja strategik Guraan Wikimedia. Norika bontuk o poguhatan diti montok manahang kopurimanan dokoyu kokomoi do Keutamaan strategik Guraan om montok popisuai waya poimbida dokoyu montok manakadai aktif om popotilombus matlamat dii.
Koubasanan nopo poingkuro ko popoilang koinganan (toi ko' ahal di nopinsingilaan nu) miampai komuniti?Milo posuangon o poomitanan pongintigasan id wiki, ponuatan blog, pitimbungakan om suai-suai po do hiti.	Poguhatan diti nogi nga moguhot kokomoi kaida pomilian dokoyu montok mogiilang nawayaan dokoyu toi ko' toilaan i naanu id suang komuniti dokoyu. Poguhatan diti nogi nga kitudu montok maganu cerapan kokomoi amalan komunikasi dokoyu om luyungan ii oguno dokoyu maya aktif montok popoilang maklumat om nawayaan id komuniti dokoyu. Kointayadan titik tumpu miampai piipiro kotolinahasan/konteks nopo nga format di osonong montok respon diti.
Nokuro tu minog dahai pusohon yokoyu sabaagi maamamampayat di kigatang id suang persidangan diti?	Mogihum nogi yahai do individu ii okon nopo mampayat do insan no nga kiwaa nogi do aspirasi timpu tanaru diolo id labus timpu persidangan, individu i komited montok mampayat potilombus om okon nopo ko' mampayat om atagak no id goos diti. Poguhatan diti nogi nga montok mokianu dokoyu do popolombus nokuro tu sorohon kou sabaagi monongkibai ii mobi do komuniti Wikimedia id suang persidangan dii. Mongunsub nogi yahai dokoyu do popokito kualiti unik, nawayaa, sakadai toi ko' toilaan dokoyu montok sumiliu puru komuniti Wikimedia i kigatang om kibagas. Mositi kou daa do poposotol poingkuro kotindapahan dokoyu manakadai do positif kumaa matlamat, pibarasan om goos misokodung id suang konteks Wikimedia.