Wikimedia Foundation elections/Board elections/2009/pms
J'arzultà a son stàit comunicà dël 12 agost 2009.
In other languages: العربية (ar) مصرى (arz) беларуская (тарашкевіца) (be-tarask) বাংলা (bn) català (ca) čeština (cs) dansk (da) Deutsch (de) Ελληνικά (el) English (en) Esperanto (eo) español (es) euskara (eu) فارسی (fa) suomi (fi) français (fr) galego (gl) עברית (he) हिन्दी (hi) hrvatski (hr) magyar (hu) interlingua (ia) Bahasa Indonesia (id) italiano (it) 日本語 (ja) Jawa (jv) 한국어 (ko) Ripoarisch (ksh) Lëtzebuergesch (lb) македонски (mk) Bahasa Melayu (ms) Malti (mt) norsk bokmål (nb) Nederlands (nl) occitan (oc) polski (pl) Piemontèis (pms) português (pt) português do Brasil (pt-br) română (ro) русский (ru) සිංහල (si) slovenčina (sk) српски / srpski (sr) svenska (sv) ไทย (th) Türkçe (tr) українська (uk) Tiếng Việt (vi) ייִדיש (yi) 粵語 (yue) 中文（简体） (zh-hans) 中文（繁體） (zh-hant) [edit]
| Elession dël Consèj d'Aministrassion 2009 |
|---|
| Organisassion |
L'elessions 2009 dël Board of Trustees as tnirà dal 28 ëd Luj al 10 d'Aost 2009. Ij mèmber dla comunità Wikimedia a l'han l'oportunità d'elese tre candidà për un temp ëd doi agn ch'a finirà dël 2011. Ël Board of Trustees a l'é la pì àuta autorità ëd govern dla Wikimedia Foundation, n'organisassion a but nen lucrativ 501(c)(3) registrà ant jë Stat Unì. La Wikimedia Foundation a gestiss vàire proget diferent com Wikipedia e Commons.
L'elession a saran tnùe an manera sicura an dzora a ëd servers ëd na tersa part andipëndenta (Software in the Public Interest). Ij vot a son segret e a son visìbij mach a pòche përson-e che a guerno l'elession. I votant a votran ij candidà për ordin ëd preferensa. Ij vot a saran contà dovrand ël métod Schulze për classifié ij candidà scond ël nùmer ëd votant ch'a preferisso un candidà rispet a j'àutri candidà.
La Comission Eletoral a antend nonsié j'arzultà al pì tard ël 12 d'Aost. J'arzultà detajà a saran disponìbij. Tute le date an dzora a sta pagina-sì a son 00:00 (mesaneuit) UTC.
Anformassion për ij votant
[edit]Condission ëd vot
[edit]It peule voté da un tò cont registrà an dzora a na wiki ëd Wikimedia (it peule mach voté na vira, sensa arguard ëd vàire cont it l'abie). Për esse qualifià, cost cont a deuv:
- nen esse blocà; e
- nen esse un bot; e
- avèj fàit almanch 600 modìfiche prima dl'1 ëd giugn dël 2009 an sle wiki ëd Wikimedia (le modìfiche an dzora a wiki diferente a peulo esse adissionà se ël tò cont a l'é unifià); e
- avèj fàit almanch 50 modìfiche da l'1 ëd gené a l'1 ëd luj dël 2009.
Ecession: le përson-e sì sota a peulo voté sensa tnì cont ëd le condission d'ëd dzora:
- j'aministrador dij server Wikimedia con ij drit shell;
- j'ampiegà dla Wikimedia Foundation che a l'han ancaminà a travajé prima dl'1 ëd mars dël 2009;
- ij mémber corent e passà dël Board of Trustees.
Com voté
[edit]Se it peule voté:
- les ël presentassion dij candidà e dessid che candidà it votras.
- va a la pàgina wiki "Special:Securepoll" an dova it ses qualifià a voté. Për esempi, s'it ses pì ativ an dzora a la wiki meta.wikimedia.org/, va a meta.wikimedia.org/wiki/Special:Securepoll.
- Va dré a le istrussion an dzora a cola pàgina.
Anformassion për ij candidà
[edit]Na descrission detajà dle responsabilità d'un mèmber dël Board a peul esse trovà al Board Manual.
Responsabilità dij mèmber dël Board
[edit]Esse mèmber dël Board ëd na cita organisassion com la Wikimedia Foundation, che a afronta ëd dësfide motobin gròsse, a peul ciamé ëd temp. La posission a l'é volontaria e nen pagà. An mente che as ciama nen ai mèmber ëd porté dij fond përsonaj a l'organisassion, as ciama ëd giuté a trové ëd fond.
Ij mèmber a deuvo partessipé almanch a 3–4 rëscontr a l'ann ëd përson-a, presensiand Wikimania (nòsta conferensa anual), e presensiand àutri rëscontr e vot an linia. Ël Board a comùnica motobin via e-mail, wiki, e IRC. Cheich mèmber dle vire a partéssipo a rëscontr stratégich con àutre organisassion e amprèise, relassionand peui ël Board.
Ij mèmber dël Board a deuvo peui esse ampegnà an serte atività (con trové ëd fond, Wikimania, o fé d'audit) e ëd giuté a scrive polìtiche, carte e arzolussion an dzora a coj argument.
Da già che ij mèmber dël Board a l'han ëd le obligassion për soa posission, ij candidà che al moment a l'han dle posission pagà con la Wikimedia Foundation a deuvo dimëtse da cole posission prima che a peusso esse nominà al Board of Trustees. Sòn-sì a l'é për evité potensiaj conflit d'antëresse.
Prerequisì për ij candidà
[edit]Për esse considrà com candidà, it deuve:
- avèj fàit almanch 600 modìfiche prima dl'1 ëd Mars dël 2009 an dzora a un cont registrà (modìfiche an dzora a pì ëd na wiki a peulo esse adissionà se tò cont a son unifià ant un cont global); e
- avèj fàit almanch 50 modìfiche da l'1 ëd gené a l'1 ëd luj dël 2009; e
- comuniché publicament tò ver nòm ant toa presentassion da candidà (da già che j'identità dij mèmber dël Board a son registrà publicament, a l'é nen possìbil manten-e na posission ant ël Board of Trustees da anònim o sota në pseudònim); e
- avèj almanch 18 agn e esse ant la magior età ant tò pais.
Com presenté toa candidadura
[edit]S'it peule esse candidà, it peule presenté toa candidadura an fasend:
- Scriv na presentassion ëd nen pì che 1200 caràter an disend lòn ch'it farìe s'it fusse elegiù al Board of Trustees, toe opinion e esperiense, e minca ròba ch'it pense a sia amportanta. It peule nen dovré toa presentassion a candidà për anliure a àutre pàgine ëd piataforma eletoral, e it peule nen fé na piataforma con d'àutri candidà.
- Pòrta toa presentassion da 00:00 dël 06 ëd Luj dël 2009 (UTC) a 23:59 dël 27 ëd Luj dël 2009 (UTC). Passà ël 27 ëd Luj, a peul pì nen esse cambià a men ëd cite coression o tradussion. Minca gionta presentà d'apress ëd cost dì, a sarà datà e presentà separatament da la presentassion original, e a sarà presentà ai votant mach se a sarà traduvùa ant tute le mideme lenghe dla presentassion original.
- Presenta la preuva ëd toa identità a Cary Bass (Coordinator dij Volontari) prima dël 27 ëd Luj dël 2009. It saras contatà an privà da un mèmber dl'Election Committee con àutre anformassion për rispeté costa condission quand it saras iscrivù com candidà.
Ij candidà che a sodisfran pa le condission e le date sì ëd dzora a saran squalifià.
Organisassion
[edit]Calendari
[edit]- 01–30 giugn 2009: prima fase ëd tradussion; ël subcomità a coordina e promov la tradussion.
- 06–27 luj 2009: presentassion dij candidà.
- 27 luj 2009: data-lìmit për mandé la preuva dl'identità (presentassion ritardà o mancante a saran squalifià).
- 28 luj–10 aost 2009: elession.
- 10–12 aost 2009: contròl dël vot.
- 12 aost 2009: publicassion dj'arzultà.
Tradutor
[edit]Për esse sicur che na rapresentansa bin larga dla comunità Wikimedia a pija part a st'elession-sì, a l'é amportant traduve le notissie e le presentassion dij candidà an pì ëd lenghe possìbij. Për giuté a traduve, për piasì varda la pagina ëd tradussion.