Tinimungan Momoomoguno Komuniti Wikimedia Turki/Kalab Mokiikinobos
Kalab Mokiikinobos Wiki (Boros Turki Viki Öğrenci Kulüpleri), nopo nga notoodo do mokiikinobos Wikimedia id institusi akademik id Turki miampai sokodung Tinimungan Momoomoguno Komuniti Wikimedia Turki. Kalab nopo diti nga kiwaa mogikaakawo tudu miagal ko popoingkawas kopurimanan kokomoi toilaan osinggawa kumaa mokiikinobos, momoguno sukuon di otopot om kikualiti, om manakadai kumaa projek Wikimedia tumanud korohian diolo.
Sajara
Kalapas Pinludaan Wikidata Montok Wikimedian Turki 2022 ii pinoindalan id Universiti Üsküdar ontok 2022, kiangkab o mokiikinobos id program diti do monoodo kalab mokiikinobos Wiki. Suai ko ii, kalapas nopo nopongo o prosedur ii nuru, notoodo o kalab mokiikinobos. Iti nopo nga kalab mokiikinobos Wiki koiso id Türkiye.
Soira notoodo o kalab id Universiti Üsküdar, minaganu yolo do kootuson do monoodo kawagu do kalab mokiikinobos id Universiti Istanbul Bilgi. Kopongo nopo o dokumen ii nuru, nokoimagon o kalab dii ontok wulan Manom 2023.Mantad dii, nosiliu o BİLGİViki sabaagi kalab mokiikinobos Wiki koduo ii notoodo id Turki. Ontok wulan Milau 2023, kalab mokiikinobos kotolu, METU Kampus Cyprus Utara METU nopo nga notood. Ontok Milatok 2024, Kalab mokiikinobos wiki kaapat, Universiti Medipol Istanbul notoodo. Tohuri nopo dii nga kalab kolimo, Atatürk Teacher Training Academy Wiki Club, nopo nga notoodo ontok Gumas 2024.
Kalab
Kalab Mokiikinobos Wikipedia Universiti Üsküdar
Ngaran tempatan: Üsküdar Üniversitesi Vikipedi Öğrenci Kulübü (UUWSC)
Pongasas: User:İsnaaa
Kapanaadaan: Manom 2022
Media Sosial: Instagram Tudu: Sundung do kalab mokiikinobos nopo nga kalab mokiikinobos Wikipedia koiso ii notoodo id Turki, nga popotounda nogi o mokiikinobos diti id universiti miampai pinludaan Wikipedia, Wikimaraton, om suai po montok do popoindalan kalaja dii.
Kalab Mokiikinobos Wiki Universiti Bilgi Istanbul
Ngaran tempatan: İstanbul Bilgi Üniversitesi Viki Öğrenci Kulübü (BİLGİViki)
Pongasas: User:Kurmanbek
Ponorikohon: User:Oxorca
Kapanaadaan: Manom 2023
Media Sosial: Facebook, Instagram, X (Twitter)
Tudu:
- Kiangkab yahai do mongunsub mokiikinobos do manakadai kumaa Wikipedia tumanud toilaan diolo kokomoi topik di maan diolo, kopongo mongilo kooturan ponuatan, mengesahkan om mongakses towud di kotunud, okon nopo do mambasa Wikipedia ii kitowud poingukab om kilisin osinggawa.
- Mamagampot koubasanan misokodung om miilang.
- Montok manahak koilaan kumaa mokiikinobos kokomoi lisin om koilaan osinggawa.
- Pisokodungan kokomoi isu belia om mokiikinobos miampai Wikimedia CEE Hub Youth Group om Kalab Mokiikibos Wiki suai id sompomogunan.
Piisaan Wikipedia Universiti Teknikal Timur Tengah Kampus Cyprus Utara
Ngaran tempatan: Orta Doğu Teknik Üniversitesi Kuzey Kıbrıs Kampüsü (ODTÜ KKK) Vikipedi Topluluğu
Pongasas: User:ToprakM
Kapanaadaan: Milau 2023
Media Sosial: Instagram
Kalab Mokiikinobos Wikipedia Universiti Medipol Istanbul
Ngaran tempatan: İstanbul Medipol Üniversitesi Vikipedi Öğrenci Kulübü
Pongasas: User:Piyanist
Kapanaadaan: Milatok 2024
Media Sosial: Instagram
Tudu:
- Popoingkawas kopurimanan mokiikinobos kokomoi kouyuyuo di milo mongidit id Ensiklopedia Wikipedia Osinggawa.
- Manahak kosiwatan kumaa mokiikinobos montok popoingkawas kabaalan momusorou, monuat om ponoriukan.
- Popoingkawas kualiti Wikipedia om mongunsub mokiikinobos do manakadai.
- Popointutun pomogunoon Wikipedia id tinimungan mokiikinobos.
- Popoingkawas kualiti towud Wikipedia om universiti miampai popoundaliu tonsi universiti kumaa Wikipedia.
- Maganu koupayaan montok momoguno towud di kotunud om mogintong towud di milo tumboyoon.
Kalab Wiki Akademi Latihan Perguruan Atatürk
Ngaran tempatan: Atatürk Öğretmen Akademisi Viki Kulübü
Pongasas: User:Biologg
Kapanaadaan: Gumas 2024
Media Sosial: Instagram
Tudu:
- Mongunsub pamansayan, koburuon om ponginsanangan artikel Wikipedia montok manahak koilaan di kotundu, au aagat sampaping om aiso balayan montok khalayak global.
- Monguhup mokiikinobos momorun kabaalan ponoriukan, monuat om petikan miampai manakadai tonsi kikualiti takawas kumaa Wikipedia tumanud towud di milo tumboyoon om kiwaa verifikasi.
- Poposonong pisokodungan miampai mokiikinobos universtiti om komuniti Wikipedia global, moi do kaanu yolo humompit id boogian piilangan toilaan id skala global.
- Mantamong kapamansayan om kopodolinan tonsi Wikipedia id suang kopogikaakawahan boros.
- Monuduk puru woyo manahang towud maya kritis, mamarati dasar penyuntingan Wikipedia om sumuliu warga digital ii kitonggungan do mongintutun om papatalang koilaan di au kotunud.
- Manantu piilangan miampai jabatan universiti, perpustakaan om puru fakulti montok popiamung ponyuntingan Wikipedia id suang projek akademik, ponoriukan om abaabayan perkhidmatan komuniti.
- Popoingkawas kopurimanan kokomoi kapansalan koilaan poingukab, lisin percuma om piilangan toilaan kolaboratif id komuniti universiti om id labus.
Abaabayan om artikel
Iti nopo nga 5 abaabayan om artikel di kawaawagu. Todoso iti pautan montok mogintong toinsanan.
- Atatürk Öğretmen Akademisi’nde Vikipedi Günü by Biologg and Gökhan Can, 10 December 2024 (Turkish)
- Wiki student clubs in Malaysia and Türkiye begin collaboration (Turkish), 11 November 2024
- Wiki Student Clubs 2024-25 year preparation meeting (Turkish), 27 August 2024
- A Photowalk with the Wikipedia Student Club Through an Abandoned City Frozen in Time by ToprakM, 13 May 2024
- Focus points of Turkish Wikipedia Student Clubs by Kurmanbek, 25 March 2024
Montok kalab
Kakitangan kalab di pantangan, nuru dokoyu do intangan ontok kopotoundaan Kalab Mokiikinobod Wiki do posuangon dokoyu id suang dokumen PDF id siriba uhu diti. Oponsol do tumanud kou do kooturan hiti montok mongumolig jenama Kalab Mokiikinobos Wiki, montok mogintong kopurimanan om kokitanan kalab dokoyu om montok kopitaranangan miampai kalab mokiikinobos do suai.
Osonong do tonudon dokoyu o topik diti montok monorimo kopoilaan kawaawagu montok kalab dokoyu.