香港維基社群用戶組/聲明/緊急情況規例條例
關於動用《緊急情況規例條例》嘅聲明
關於動用《緊急情況規例條例》嘅聲明
言論自由、表達自由同埋自由咁存取無審查嘅互聯網係居港人士存取維基百科同姊妹計劃嘅基本所需。而爾啲權利亦都受到香港基本法保障。
香港維基社群用戶組極為關切香港政府近期嘅一啲舉措。動用相關條例無疑係可以為本地社群同公眾存取維基百科帶來負面影響︰
- 用相關條例可以限制喺香港籌辦線下聚會
- 用相關條例亦可以限制存取維基百科同姊妹計劃
早前香港行政會議成員公開表示可以透過訂立相關法例來限制互聯網存取，足證爾啲疑慮並唔係無中生有。
本用戶組謹請社會大眾，包括警隊、政府同示威者等等，保持冷靜；亦都唔好向另一方首先使用武力。
另外，本組亦繼續促請會議參與者同籌辦人唔好用香港作為往來活動舉辦場地嘅中轉站。
本聲明經全體理事會成員通過，2019年10月8號發出
香港維基社群用戶組喺二○一八年九月二十八號獲得維基媒體基金會正式承認為維基運動分支組織，本用戶組係一眾居港維基人嘅代表組織。
如有傳媒查詢，請透過Telegram聯絡User:1233(Telegram用戶名為@theonly23333) 又或者喺香港維基社群用戶組Facebook專頁留言。
決議淨係反映緊香港用戶組嘅意見，並唔係維基媒體基金會嘅官方立場。