Віківясна-2017
Вікімедыя Віківясна—2017 — штогадовае мерапрыемства, арганізаванае вікімедыйцамі і вікіпедыстамі з рэгіёна Цэнтральнай і Усходняй Еўропы, накіраванае на падтрымку стварэння артыкулаў пра кожную краіну рэгіёна ў кожным з раздзелаў Вікіпедыі.
Яшчэ зусім нядаўна рэгіён ЦУЕ перажыў некалькі сумных Вёснаў, якія скончыліся непаразуменнямі, раздраямі і расчараваннямі (зняццё з пасады Дубчака ў красавіку 1969 для спынення Пражскай вясны, эскалацыя канфлікта ў Нагорным Карабаху ўвесну 1988, актывізацыя Прыднястроўскага канфлікта ў сакавіку 1992, пачатак аблогі Сараева ў красавіку 1992 і, урэшце, вясна 2014 года, якая зазначыла пачатак вайны на Данбасе).
Задача Віківясны — у аб’яднанні лакальных высілкаў для збірання і распаўсюду свабодных звестак пра культуру, традыцыі і людзей у кожным куточку рэгіёну; пашырэнні ведаў і разуменні адзін аднаго; глабальным павялічэнні колькасці і якасці свабодных ведаў пра рэгіён Цэнтральнай і Усходняй Еўропы.
Традыцыйна праект праходзіць з 21 сакавіка да 31 мая. У гэты час у раздзелах-удзельніках Вікіпедыі праходзяць асобныя конкурсы па напісанні і паляпшэнні артыкулаў па гісторыі, культуры і выбітных асоб кожнай краіны-удзельніцы рэгіёна. Падрабязней пра тэмы артыкулаў чытайце на старонках спісаў артыкулаў.
Конкурсы на месцах арганізоўваюцца лакальнымі прадстаўнікамі, і кожная супольнасць мае свае ўласныя правілы. Кантактныя звесткі мясцовых каардынатараў знаходзяцца на старонцы кантактаў. Два мінулыя конкурсы паказалі, што арганізатары-дабраахвотнікі з розных раздзелаў выцягнулі сваю ношу да канца. Мясцовыя каманды прапануюць спісы артыкулаў пра свае краіны, якія яны б хацелі бачыць перакладзенымі на ўсе магчымыя мовы рэгіёну, чым і зоймуцца рэдактары іншых раздзелаў; такім чынам удзельнікі конкурсу змогуць самі абраць тэму, на якую яны хочуць стварыць артыкулы пра пэўную краіну рэгіёна.
Чым больш удзельнікаў — тым цікавей. Калі падчас конкурсу далучацца новыя краіны, мясцовыя арганізатары дапоўняць спіс задач — і ў добры шлях!
Міжнародныя арганізатары
| Імя, прозвішча | Імя ўдзельніка | Краіна | Удзел |
|---|---|---|---|
| Nikola Kalchev | Лорд Бъмбъри | Bulgaria | Wikimedians of Bulgaria User Group |
| — | Алиса Селезньова | Bulgaria | Wikimedians of Bulgaria User Group |
| Mārtiņš Bruņenieks | Papuass | Latvia | Wikimedians of Latvia User Group |
| Philip Kopetzky | Philip Kopetzky | Austria | Wikimedia Österreich |
| Natalia Szafran-Kozakowska | Magalia | Poland | Wikimedia Polska |
| Vira Motorko | Ата | Ukraine | Wikimedia Ukraine |
| Bohdan Melnychuk | Base | Ukraine | Wikimedia Ukraine |
| Liam Wyatt | Wittylama | Australia | Europeana Liaison |