Jump to content

Wikimedia Blog/Borradores/Ronda 2015-10-29

Add links
From Meta, a Wikimedia project coordination wiki
This page is a translated version of the page Wikimedia Blog/Drafts/Roundup 2015-10-29 and the translation is 100% complete.
Other languages:

Title ideas

El compendiu—Wiki Loves Africa ruxe nel so segundu añu; notes ceo

Summary

A brief, one-paragraph summary of the post's content, about 20-80 words. On the blog, this will be shown in the chronological list of posts or in the featured post carousel on top, next to a "Read more" link.

  • ...

Body


Una muyer sudanesa amuesa cómo facer kisra, un pan o fariñes tradicional de Sudán y Sudán del Sur. Foto de Mohamed Elfatih Hamadien, asoleyada cola llicencia llibre CC BY-SA 4.0.

Por munchos motivos, bona parte d'ellos rellacionaos con sesgos del sistema, la cobertura de los asuntos africanos en munchos sitios de Wikimedia, incluyendo les distintes Wikipedies, va retrasada respeuto d'otros continentes. Hai un proyectu empobináu a cambiar eso animando a que la xente del continente africanu done les sos imaxes, videos, y soníu a Wikipedia.

Florence Devouard (Anthere) ya Isla Haddow-Flood (Islahaddow) son los organizadores de Wiki Loves Africa, un programa qu'usa aspeutos competitivos y temáticos p'afalar que los individuos donen a Wikimedia Commons. «Necesitamos una manera divertida d'amosar lo rica, diferente, y prestosa que ye África más allá de los deprimentes titulares», dixeron. Queríen dicir «rica» lliteralmente (el tema del últimu añu foi la cocina). Pudieron collechar más de 6000 imaxes de 873 participantes de 49 paises, incluyendo la increíble foto d'arriba d'una muyer sudanesa faciendo'l tradicional y popular pan kisra.

El tema de Wiki Loves Africa's cambia cada añu pa cubrir un asuntu universal, visualmente ricu, y culturalmente específicu como los mercaos, ritos de pasu, festivales, arte públicu, y vezos sociales. La edición de 2015 céntrase nes modes culturales al traviés del continente africanu. Florence ya Isla faen notar que los «participantes pueden unviar multimedia qu'ilustre la moda tal como la definen les influencies culturales llocales que pueden tar determinaes pol vistíu, estilos, maneres d'endolcar y colgar, etc. Esti tema tamién incluye los adornos como la xoyería con influencies culturales, maquillaxe, peinaos, marques corporales, teles y texíos.»

El concursu dura hasta'l final de payares, ya'l primer premiu ye un Samsung Galaxy Tab S 8.4. Acéutense entraes de tol mundu mentanto qu'amuesen dalgún aspeutu de les diverses modes culturales africanes, y puedes participar:

Wiki Loves Africa ta financiáu con una subvención de la Fundación Wikimedia de 22.760 US$ y con una campaña de financiamientu masivu en Indiegogo.

Saber más

Ed Erhart, Editor Asociáu, Wikimedia Foundation
Florence Devouard y Isla Haddow-Flood, Wikipedistes

Curties


Tercer llugar: un íbice alpín (Capra ibex), o Steinbock, nun parque nacional d'Austria del cordal Hohe Tauern. Foto de Bernd Thaller, asoleyada cola llicencia llibre CC BY-SA 3.0

  • Wiki Loves
    • Earth: Los ganadores del concursu Wiki Loves Earth de 2015 vienen d'anunciase. Arriba pué vese'l ganador del tercer premiu.
    • Monuments: El boletín This Month in GLAM informa de que Wiki Loves Monuments n'Italia foi un éxitu ablucante: 947 participantes que tomaron 12.740 fotografíes de 5.149 monumentos (un términu xenéricu que s'usa pa los llugares del patrimoniu cultural qu'esisten pel mundu). Esos resultaos algamáronse en parte pola cooperación con centenares d'instituciones públiques a niveles estatal y llocal. Les fotos ganadores d'Alemaña y Paquistán tamién s'espublizaron yá.
  • Archiváu el casu NSA: La demanda de la WMF escontra la US National Security Agency archivóse. L'equipu llegal de la WMF escribió n'una entrada del blog que tán «en respetuosu desacuerdu cola decisión d'archivu del tribunal» y que «esperen apelar» la decisión.
  • Princesa d'Asturies: L'alcance global de Wikipedia reconocióse esta selmana col prestixosu Premiu Princesa d'Asturies a la Cooperación Internacional, un honor que Wikipedia comparte agora con celebridaes como la Organización Mundial de la salú y la Fundación Bill y Melinda Gates. Lila Tretikov, directora executiva de la WMF, dixo que «En Wikipedia, el conocimientu nun tien fronteres. Una imaxe d'una mariposa qu'un fotógrafu toma nuna viesca de la India ayuda a los editores al rodiu del mundu a escribir artículos sobro la especie na so llingua, de mou que quinientos mil millones de persones de cada esquina del globu conocerán una especie rara. Esti premiu honra a les persones que faen posible Wikipedia."
  • WikiConference USA: El Signpost de la Wikipedia n'inglés informó sobro les principales conferencies del aconceyamientu añal de Wikimedistes de los EE.XX. L'artículu volvió a asoleyalu el blog de la US National Archives and Record Administration.
  • Wikipedia na educación: El Kurier de la Wikipedia n'alemán informa d'una iniciativa educativa ente Wikimedistes y la Universidá de Viena que tien una proporción femenina/masculina del 70/30.
  • Informes de Wikimedia
    • Informe trimestral: L'informe de la Fundación Wikimedia (WMF) pal primer trimestre del añu fiscal 2015-16 yá ta asoleyáu.
    • Revisiones trimestrales: Les revisiones trimestrales de los departamentos de la WMF del últimu trimestre yá tán espublizaes. Estes revisiones [WMF Metrics and activities meetings/Quarterly reviews busquen] «garantizar la rindición de cuentes y crear les oportunidaes p'axustar la dirección y l'allugamientu de recursos en consultando colos grupos que trabayen n'iniciatives específiques de la Fundación Wikimedia».
    • Wiki Ed: Asoleyóse l'informe de setiembre de la Wiki Education Foundation. Esta fundación tien 74 formadores esti cursu, más cantidá que nunca, con 133 cursos y más de 2000 estudiantes.


¡Bienveníos al nuevu compendiu de la comunidá! Esta ye una nueva carauterística selmanal pal blog, y prestaríanos convidate a participar. Esti compendiu de noticies de la comunidá Wikimedista xuntará elementos d'alredor del mundu pa ufrite un espaciu pa la to actualidá y una ronda diversa d'actividaes. L'oxetivu ye imitar y suplementar les fontes de noticies comunitaries yá esistentes. ¡Les collaboraciones son bienveníes! Si hai un finxu, un proyeutu nuevu prestosu, o una ocurrencia poco convencional na to comunidá de Wikimedia, por favos, mándame un corréu o dexa un mensaxe na mio páxina d'alderique.

Ed Erhart, Editor Asociáu, Wikimedia Foundation


Notes

Ideas for social media messages promoting the published post:

Twitter (@wikimedia/@wikipedia): 

(Tweet text goes here - max 117 characters)
---------|---------|---------|---------|---------|---------|---------|---------|---------|---------|---------|------/

Facebook/Google+

  • ...
Retrieved from "https://meta.wikimedia.org/w/index.php?title=Wikimedia_Blog/Drafts/Roundup_2015-10-29/ast&oldid=26128080"