Licensing update/Result/pam
Pepamunikala ning Katatagan Wikimedia o Wikimedia Foundation (WMF) a deng patakaran ning licencia king katuliran king pamangopia (copyright licensing terms) kareng wiking pálakad ning WMF — kayabe ne ing Wikipedia — mialilan la ba yang miabe ing licenciang Creative Commons Attribution-ShareAlike (CC-BY-SA), bukud king salukuyan a GNU Free Documentation License (GFDL). Miyapectuan la keti deng eganaganang kasulatan ampong malamán a media o rich media (larawan, katni [sounds], video, atlwp.) a ngeni maki licencia king lalam ning "GFDL 1.2 o mas bayung bersion". Ing sangkan ning pamagbayung iti ya pin ing pamipasulung king pigampa o parasan ning WMF a dagdagan ing pamibage-bage (compatibility) ampong pamikalat ning timawang lamán (free content). Mai-isplica la reng karagdagang detalle ampo ing sangkan kareti king munikala king pamagbayu king licencia ampo king makaugneng FAQ.
Ba yang sukdan ing suporta ning comunidad para king pamagbayung iti, merapat ya ing metung a alalan king mabilug a Wikipedia aniang pilatan ning Abril 12 ampong Mayo 3, 2009. Menibala la king alalan deng kusang sinaup (volunteers) a kayabe king lupung king pamagbayu king licencia, at megamit la keti deng server a tatalnan ning timawa ampong alang tubung SPI.
| "Wa, mamayun ku kaniting pamagbayu" | 13242 | 75.8% |
| "Ali, e ku mamayun kaniting pamagbayu" | 1829 | 10.5% |
| "Ala kung pamalak kaniting pamagbayu" | 2391 | 13.7% |
| Den ngang botung mibie ampong mipatunayan | 17462 | |
|---|---|---|
Nung e la iyabe deng botung "alang pamalak" o "no opinion", miras ya ing dake da reng botung Wa/Ali king 87.9%/12.1% (15071 botu).
Tutuking Takbang
[edit]Anti ing apikasundu, pepabalu ne ning lupung king pamagbayu ning licencia (licensing update committee) ing resultang iti king WMF Board of Trustees pilang aldo bayu ing pamibulalag o pamipabalu king malda. Ing Board o Lupung ing munie tauling pamanangu bayu ya marapat ing pamanalili o pamagbayu king pamaglicencia king Wikimedia.
Binie neng Michael Snow, Talapamuntuk ning Wikimedia Foundation Board of Trustees, ing makatuking comentu:
Masikan ing suporta da reng volunteer a magobra kareng proyectu ning Wikipedia king munikalang ipalual la deng karelang ambag king lalam ning Creative Commons Attribution/Share-Alike License (CC-BY-SA) bukud king GNU Free Documentation License (GFDL). Lalung misulung ing mapaniaup nang pigampa ning Wikimedia nung ibayu ing patakaran a manibala king kekatamung licencia ba lang mibage deti karetang aliwang memili king licenciang CC-BY-SA. Mas malagua yang pirake ing libring impormasiun ampong laman a makasaup king pamanuru, at mas malagua deng gamitan deng malda.
Apikasundu ne ning mabilug a Board of Trustees ing makatuking kapasiagan o resolusion aniang Mayo 21, 2009:
Mipasiag a:
Pauli ning ing Comunidad a Wikimedia, king alalan a pangkabilugang proyectu, pepabalu na ing masikan nang suporta para king pamanalili king patakaran king pamaglicencia da reng karinan a Wikimedia (Wikimedia sites), at uli ning, tinggap na ne bayu ita ning Board of Trustees ing metung a kapasiagan o resolusion para king pamagbayu ning licencia, a makisabing papaliarian ya ing anti kaniting pamanalili, bubulalag na ning Board ing kayang kapagnasan a patupad la deng pamagbayung deti. Agpang kaniti, gagamitan ne ning Wikimedia Foundation ing kayang katuliran king lalam ning Bersion 1.3 ning GNU Free Documentation License ba yang ibayu ing licencia da reng karinan a Wikimedia antimong Massive Multiauthor Collaborations (Pangmaragulan a Pamisaup-saup da reng Dakal a Talasulat) lalam ning licenciang Creative Commons Attribution-Share Alike 3.0, manibat keng Junio 15, 2009. Paparapat na keti ning Board of Trustees king Executive Director a ibayu ing patakaran king pamaglicencia ning Wikimedia at papaliari ing patakaran ning pamangamit ba lang tuki deti king munikaa king Licensing update.
Ba yang papaliari ing pamagbayu, asahan lang marapat deng makatuking bage:
| Petsa | Maliari o Marapat |
|---|---|
| Umpisa ning Junio | Makapaskil la para kareng comentu deng tauling miyalilan king papamunikalang patakaran king pamangamit. Ipalual la reng munikalang kaparalanan king pamangamit kareng materialis ibat king kilual. Ipabalu ya ing patakaran king pamagbayu kareng template kareng simpan (files) a mediang miyapectuan. |
| Junio 15 ampong kaibat | Kaibat da reng tauling mengayalilan, ibayu la reng pangkabilugang karinan a pamangamanu tungkul king katulirang mangopia (site-wide copyright statements) ampong patakaran king pamangamit (terms of use) kareng eganaganang wiki king Ingles. Magpalual muring dalerayan king pamaglikas (translation guidelines), at miumpisan ing pamaglikas/pamamaldug karen ngang wiki bukud king Ingles. Iyalis (migrated) la reng simpan a mediang miyapectuan agpang king babo. |
Detalle ning Alalan
[edit]Merapat king kilub ning atlung duminggu ing alalan king pamagbayu ning pamaglicencia (manibat Abril 12 anggang Mayo 3, 2009) kareng 32 amanu, at pepabalu de iti kapamilatan ning kapabaluan pangkarinan (site notice) karen ngang talapanambag a maka-log in. Kayabe la king alalan deng eganaganang taung makarehistru king proyectung WMF a maki 25 o mas dakal a in-edit bayu ing Marzo 15, 2009, at e mesabat king account a ita o e mituldu antimong bot. Mesabat la king pamamieng balota deng taung e tutuki kareng batayan a reti.
- Mibie ya kareng magbotu ing sampulung o summary ning munikala
- Mibie la kareng magbotu deng pipamilinan
- Kapabaluan king karinan (site notice) a mamalita king alalan
Pamipatutu (Certification)
[edit]
King kabilugan, 18692 la ngan deng mibie o me-sumiting balota. Kaibat ning pamaniuri kareti, 17462 la reng pepatutuan a valid o katanggap-tanggap. Alus deng anggang e metanggap a balota tinggian da la uling king tangkang magbotung dakal a besis o ukdu. King casu ning metung a taung makatapilan magbotu, ing tauling diling balota ing matanggap, kabang ali la detang minuna. Kayabe la kareti deng 930ng casu nung nu megamit ya ing metung a acount king metung a wiki ing megamit bang magbotung dakal a besis. Bukud kaniti, atin pang 256 a botung e metanggap uling kareng indibidual a mekatapilan migbotung gagamit king metung a acount kareng miayaliwang wiki (a mipatutuan a mitutuglung a account kapamilatan ning single user login o aliwang tecnical a katibayan). Deta namang tauling 44 a balotang e metanggap, midayu la kareng aliwang sangkan kayabe ing mapanabusung sockpuppetry.
Ing pamaniuri da reng botu makabasi ya mu kabud king pamangilala king acount ning balang magbotu ampo king katibayan a tecnical a makaugne kaniti. Maka-encrypt la reng mepiling balota, at e la mipalual deti anggang e mipatutuan ing pamanipun kareng botung validu o katanggap-tanggap. E la mibusni deng balotang e metanggap.
Pamaniuri dikil king Proyectu ampong Lugal
[edit]193 la reng proyectu ning Wikimedia a maki pekakatawan a metung o maigit pang botu.
| Botu | Porsientu | Grupu |
|---|---|---|
| 16785 | 96.1% | 102ng Wikipedia |
| 397 | 2.3% | 8ng "Especial" a proyectu (kayabe la reng Commons, [[:|Meta]], Wikispecies, atlwp.) |
| 78 | 0.4% | 22ng Wiktionary |
| 72 | 0.4% | 18ng proyectung Wikibooks |
| 60 | 0.3% | 17ng proyectung Wikisource |
| 30 | 0.2% | 11a proyectung Wikinews |
| 24 | 0.1% | 7ng proyectung Wikiversity |
| 15 | 0.1% | 8ng proyectung Wikiquote |
| Botu | Dake/Porsientu | Proyectu |
|---|---|---|
| 7528 | 43.1% | English Wikipedia |
| 3104 | 17.8% | German Wikipedia |
| 955 | 5.5% | French Wikipedia |
| 778 | 4.5% | Russian Wikipedia |
| 738 | 4.2% | Spanish Wikipedia |
| 507 | 2.9% | Polish Wikipedia |
| 454 | 2.6% | Italian Wikipedia |
| 315 | 1.8% | Chinese Wikipedia |
| 274 | 1.6% | Commons |
| 274 | 1.6% | Japanese Wikipedia |
| 235 | 1.3% | Dutch Wikipedia |
| 210 | 1.2% | Portuguese Wikipedia |
| 158 | 0.9% | Swedish Wikipedia |
| 125 | 0.7% | Hebrew Wikipedia |
| 125 | 0.7% | Hungarian Wikipedia |
| 117 | 0.7% | Finnish Wikipedia |
| 111 | 0.6% | Czech Wikipedia |
| 105 | 0.6% | Turkish Wikipedia |
| 98 | 0.6% | [[:|Meta]] |
| 78 | 0.6% | Danish Wikipedia |