Fundraising 2010/Abbas Appeal/eml

   * Par piaśér, lèś chè:
   * 'N apèl persunàl
   * 'd Abbas, 'n utènt ad Wikipedia

A dag al mè cuntribùt a la Wikipedia tut al vòlti ch'a pòs, mitént a pòst al vóś in ingléś e zwahili. A sòṅ surpréś anc adès dal fat che, chè in Kenya, a pòs far part 'd un grup ad gint ad tut al mónd ch'a s cata par far sù al savér umàṅ e par met'r-al in un sól pòst. A vój ch'anca tè at dia al tò cuntribùt a la Wikipedia, faghénd na dunasiòṅ, a n è minga impurtànt anc s'l'è ad pòc euro. Quést chè 'l è 'l mutìṿ: tè at fà part dla cumunità cuma mè e quél ch'a sém drē a métar sù insém 'l è impurtànt.

Al savér 'l è fòrsa ma sól s'l è a dispuśisiòṅ ad tut. I śóvan chè in Kenya i saṅ che l'istrusiòṅ l'è la ciàṿ par lasàr-s al spàli la miśèria. A gh'è un mónd 'd infurmasiòṅ là fóra, ma incō dimóndi gint la n gh la cava minga a ciapàr-al.

Andàr a scóla 'l è impusìbil p'r un muć ad parsòni in di paéś ch'i gh'aṅ da svilupàr-as: i sò lìbar purtròp i èṅ vèć tarulî e lì lór i n pólan minga cumpràr-an ad nóṿ, ma anc lór i gh'aṅ vója cun tut al fòrsi ad far part dla cumunità glubàla - e quést chè 'l è quél che la Wikipedia la rénd pusìbil.

Lē l'è al savér liberamènt mis a dispuśisiòṅ ad tut. L'è sèmpar misa a pòst e sèmpar al pas di tèmp. L'è al ligàm fra nuàtar du e tut quéi ch'i crédan ch'al savér al sia impurtànt e da met'r-al a dispuśisiòṅ.

Pénsa sól a quél ch'a prév cambiàr se tut i studènt dal scóli dal Kenya i psìsan druàr regularmènt la Wikipedia. Quést 'l è sól un pès pìcul ad quél ch'at cuntribuìs a sustgnìr quànd at fà na dunasiòṅ a la fundasiòṅ Wikimedia.

A fém tut part ad cla cumunità chè e tut nuàtar a gh'ém i nòstar mutìṿ par tgnìr a drē e sustgnìr la Wikipedia. Qual ch'a sia al tò mutìṿ, mè a spér ch'at darà al tò cuntribùt par muciàr sù di fónd par la campaggna ad 'st an cun un cuntribùt ad 10, 20 o 30 € o quél ch'at pō o at vō dar par mantgnìr libra la Wikipedia.

'L è impurtànt e al fa la difarénsa. A t ringràsi p'r al tò cuntribùt, qual ch'a sia.

Abbas Mahmood

Mombasa, Kenya