Wikimedia Foundation elections/Board elections/2009/mt
Ir-riżultati ġew imħabbra nhar it-12 ta' Awwissu 2009.
In other languages: العربية (ar) مصرى (arz) беларуская (тарашкевіца) (be-tarask) বাংলা (bn) català (ca) čeština (cs) dansk (da) Deutsch (de) Ελληνικά (el) English (en) Esperanto (eo) español (es) euskara (eu) فارسی (fa) suomi (fi) français (fr) galego (gl) עברית (he) हिन्दी (hi) hrvatski (hr) magyar (hu) interlingua (ia) Bahasa Indonesia (id) italiano (it) 日本語 (ja) Jawa (jv) 한국어 (ko) Ripoarisch (ksh) Lëtzebuergesch (lb) македонски (mk) Bahasa Melayu (ms) Malti (mt) norsk bokmål (nb) Nederlands (nl) occitan (oc) polski (pl) Piemontèis (pms) português (pt) português do Brasil (pt-br) română (ro) русский (ru) සිංහල (si) slovenčina (sk) српски / srpski (sr) svenska (sv) ไทย (th) Türkçe (tr) українська (uk) Tiếng Việt (vi) ייִדיש (yi) 粵語 (yue) 中文（简体） (zh-hans) 中文（繁體） (zh-hant) [edit]
| Elezzjonijiet tal-Kunsill Amministrattiv 2009 |
|---|
| Organizzazzjoni |
L-elezzjonijiet tal-2009 għall-Board of Trustees se jsiru bejn it-28 ta' Lulju u l-10 ta' Awwissu 2009. Membri tal-komunità Wikimedia għandhom l-opportunità li jaħtru tliet kandidati għal mandat ta' sentejn li jiskadi fl-2011. Il-Board of Trustees hi l-awtorità governattiva fundamentali tal-Fondazzjoni Wikimedia, organizzazzjoni mingħajr fini ta' gwadanj 501(c)(3) irreġistra fl-Istati Uniti. Il-Fondazzjoni WIkimedia tmexxi diversi proġetti oħra bħall-Wikipedija u Commons.
L-elezzjonijiet se jsiru b'sigurtà fuq servers li jappartjenu lill-organizzazzjoni Software in the Public Interest. Il-voti huma sigrieti u huma viżibbli biss lil ftit utenti magħżula biex jivverifikaw u jgħoddu l-voti. Il-votanti jridu jesprimu l-preferenzi tagħhom billi jinnumeraw il-kandidati. Il-voti se jiġu verifikati permezz tal-Metodu ta' Schulze li jikkonsisti mill-valutazzjoni tal-kandidati fuq bażi tan-numru ta' votanti li taw aktar preferenza lil dak il-kandidat milli l-kandidati l-oħra.
Il-Kumitat Elettorali hu mistenni li jħabbar ir-riżultati nhar jew qabel it-12 ta' Awwissu. Riżultati dettaljati jkunu disponibbli. Il-ħinijiet kollha fuq din il-paġna huma 00:00 (nofs il-lejl) UTC.
Informazzjoni għall-votanti
[edit]Rekwiżiti
[edit]Tista' tivvota minn kont proprju reġistrat fuq wiki tal-Wikimedia (tista' tivvota biss darba, u dan ma jiddependix skont kemm għandek kontijiet tiegħek). Biex tikkwalifika, dan il-kont uniku jrid:
- ma jkunx imblukkat; u
- ma jkunx bot; u
- li tkun għamilt tal-anqas 600 modifika qabel l-1 ta' Ġunju 2009 madwar il-wikis tal-Wikimedia (modifiki fuq wikis diversi jistgħu jiġu magħquda jekk il-kontijiet tiegħek huma mwaħħda f'kont globali); u
- li tkun għamilt tal-anqas 50 modifika bejn l-1 ta' Jannar u l-1 ta' Lulju 2009
Eċċezzjonijiet speċjali: dawn segwenti jistgħu xorta jivvutaw jekk iħaddnu dawn ir-rekwiżiti segwenti:
- Amministraturi tas-server tal-Wikimedia b'aċċess protett;
- staff imħallas tal-Fondazzjoni Wikimedia li bedja jaħdem fl-uffiċċju qabel l-1 ta' Marzu 2009;
- membri kurrenti jew preċedenti tal-Board of Trustees.
Kif tivvota
[edit]Jekk int eleġibbli li tivvota:
- Aqra l-preżentazzjonijiet tal-kandidati u ddeċiedi liema kandidati se tappoġġja.
- Mur fil-paġna wiki "Special:Securepoll" fuq wiki fejn inti tikkwalifika biex tivvota immha. Per eżempju, jekk int l-aktar attiv fuq il-wiki meta.wikimedia.org/, mur fuq meta.wikimedia.org/wiki/Special:Securepoll.
- Segwi l-istruzzjonijiet fuq dik il-paġna.
Informazzjoni għall-kandidati
[edit]Deskrizzjoni dettaljata tar-responsabilitajiet ta' membru tal-Bord jistgħu jinstabu fuq il- Gwida tal-Bord.
Responsabilitajiet bħala membru tal-Bord
[edit]Li tkun membru tal-Bord fi ħdan organizzazzjoni żgħira bħall-Fondazzjoni Wikimedia, li taffaċċja sfidi immensi, jista' jieħu l-ħin. Il-pożizzjoni hi voluntarja u bla ħlas. Waqt li l-membri tal-Bord mhumiex obbligati li jagħmlu donazzjoni bil-flus personali tagħhom lill-organizzazzzjoni, huma huma mistiedna li jgħinuha grazzi għal donazzjonijiet volontarji.
Il-membri tal-Bords huma mistennija li jattendu personalment mill-inqas 3–4 laqgħat fis-sena, jattendu l-Wikimania (il-konferenza annwali tagħna), u jattendu laqgħat u votazzjonijiet oħra skedati online. Il-Bord jikkomunika intenstament permezz tal-posta elettronika, il-wiki, u l-IRC. Il-fiduċjarji individwali xi drabi jipparteċipaw f'laqgħat strateġiċi ma' organizzazzjonijiet u kumpaniji oħra, fejn jirreferu r-riżultati lura lill-Bord u l-istaff.
Il-membri individwali tal-bord huma mistennija li jinvolvu rwieħhom f'ċerti attivitajiet (bħall-ġbir ta' fondi, Wikimania, jew reviżjonijiet) u li jgħinu biex isiru abbozzi ta' politiki, u riżoluzzjonijiet fuq ċerti suġġetti.
Minħabba li l-membri tal-Bord jeżerċitaw id-dover tagħhom b'virtù tal-inkarigu li jħaddnu, il-kandidati li attwalment jżommu pożizzjoni mal-Fondazzjoni Wikimedia fejn fih jitħallsu, huma mitluba li jagħtu r-riżenja tagħhoma qabel ma jiġu maħtura fil-Board of Trustees. Dan hu biex jiġi evitat kwalunkwe kunflitti ta' interess.
Prerekwiżiti għall-kandidatura
[edit]Biex tkun eleġibbli bħala kandidat, inti trid:
- tkun għamilt tal-anqas 600 modifika qabel l-1 ta' Marzu 2009 fuq kwalunkwe kont wieħed reġistrat li għandek (modifiki fuq wikis diversi jistgħu jiġu magħquda jekk il-kontijiet tiegħek huma mwaħħda f'kont globali); u
- tkun għamilt tal-anqas 50 modifika bejn l-1 ta' Jannar u l-1 ta' Lulju 2009; u
- li pubblikament turi l-isem veru tiegħek fil-preżentazzjoni tiegħek bħala kandidat (minħabba li l-identitajiet tal-membri tal-Bord huma materja ta' rekord pubbliku, mhuwiex possibbli li żżomm pożizzjoni anonima jew taħt psewdonomu fil-Board of Trustees); u
- li tkun tal-anqas 18-il sena u ta' età legali fil-pajjiż ta' residenza.
Kif tibgħat il-kandidatura tiegħek
[edit]Jekk inti eleġibbli, tista' tibgħat il-kandidatura tiegħek billi ssegwi dawn l-istruzzjonijiet:
- Ikteb taqsira żgħira ta' mhux iktar minn 1200 karattur fejn tistqarr x'se tagħmel ġaladabra tkun elett fil-Board of Trustees, l-opinjonijiet u l-esperjenza personali, u kwalunkwe ħaġa oħra li inti taraha relevanti. Ma tistax tuża' t-taqsira tal-kandidatura biex tagħmel lista tal-persuni li inti ssostni jew ta' paġni oħra ta' pjattaforma elettorali. Ma' tistax toħloq pjattafora elettorali komuni ma' wieħed jew aktar kandidati oħra.
- Ibgħat it-taqsira tiegħek bejn 00:00, tas-6 ta' Lulju 2009 (UTC) u 23:59, tal-27 ta' Lulju 2009 (UTC). Wara l-27 ta' Lulju, din ma tistax tiġi mibdula minbarra għal xi korrezzjonijiet żgħar jew għat-traduzzjonijiet. Kwalunkwe żidiet mibgħuta wara l-aħħar data ta' sottomissjoni jiġu mmarkati bil-ħin u ppreżentati separatament mit-taqsira oriġinali. Dawn jiġu preżentati biss lill-votanti jekk jiġu tradotti fl-istess u fil-lingwi kollha ta' traduzzjoni bħat-taqsira oriġinali.
- Ibgħat prova tal-identità tiegħek lil Cary Bass (Koordinatur Volontarju) qabel l-27 ta' Lulju 2009. Inti tiġi kkuntatjat privatament minn membru tal-Kumitat Elettorali b'aktar informazzjoni fuq kif tilħaq dan ir-rekwiżit meta tniżżel ismek bħala kandidat.
Kandidati li jonqsu li jimxu mar-rekwiżiti u d-dati ta' sottomissjoni t'hawn fuq jiġu skwalifikati.
Organizzazzjoni
[edit]Kalendarju
[edit]- 01–30 ta' Ġunju 2009: l-ewwel fażi ta' traduzzjoni; is-sottokumitat attivament jikkoordina u jippromovi t-traduzzjoni.
- 06–27 ta' Lulju 2009: is-sottomissjonijiet tal-kandidati.
- 27 ta' Lulju 2009: l-aħħar data ta' sottomissjoni biex tintbagħat il-prova tal-identità (sottomissjonijiet tard jew neqsin jiġu skwalifikati).
- 28 ta' Lulju–10 ta' Awwissu 2009: elezzjonijiet.
- 10–12 ta' Awwissu 2009: verifika tal-voti.
- 12 ta' Awwissu 2009: pubblikazzjoni tar-riżultati.
Tradutturi
[edit]Biex tiġi assigurata l-ikbar parteċipazzjoni possibbli mill-komponenti kollha tal-komunità Wikimedia, huwa importanti li jiġi tradott l-avviżi ta' elezzjoni u stqarrijiet tal-kandidati f'kemm-il lingwa possibbli. Biex tgħin fit-traduzzjoni, żur il-paġna ta' traduzzjoni.