Wikimedia Foundation elections/Board elections/2009/gl
Os resultados anunciáronse o 12 de agosto de 2009.
In other languages: العربية (ar) مصرى (arz) беларуская (тарашкевіца) (be-tarask) বাংলা (bn) català (ca) čeština (cs) dansk (da) Deutsch (de) Ελληνικά (el) English (en) Esperanto (eo) español (es) euskara (eu) فارسی (fa) suomi (fi) français (fr) galego (gl) עברית (he) हिन्दी (hi) hrvatski (hr) magyar (hu) interlingua (ia) Bahasa Indonesia (id) italiano (it) 日本語 (ja) Jawa (jv) 한국어 (ko) Ripoarisch (ksh) Lëtzebuergesch (lb) македонски (mk) Bahasa Melayu (ms) Malti (mt) norsk bokmål (nb) Nederlands (nl) occitan (oc) polski (pl) Piemontèis (pms) português (pt) português do Brasil (pt-br) română (ro) русский (ru) සිංහල (si) slovenčina (sk) српски / srpski (sr) svenska (sv) ไทย (th) Türkçe (tr) українська (uk) Tiếng Việt (vi) ייִדיש (yi) 粵語 (yue) 中文（简体） (zh-hans) 中文（繁體） (zh-hant) [edit]
| Eleccións do Consello de Administración de 2009 |
|---|
| Organización |
As eleccións do Consello de Administración do ano 2009 levaranse a cabo entre o 28 de xullo e o 10 de agosto de 2009. Os membros da comunidade Wikimedia teñen a oportunidade de elixir a tres candidatos para un período de dous anos que culminará en 2011. O Consello de Administración é a autoridade definitiva da Fundación Wikimedia, unha organización sen ánimo de lucro de tipo 501(c)(3) rexistrada nos Estados Unidos. A Fundación Wikimedia manexa moitos proxectos diversos, tales como a Wikipedia e Commons.
As eleccións realizaranse nos servidores pertencentes a Software in the Public Interest. Os votos son secretos e só son visibles para o grupo designado para auditar e facer o escrutinio da elección.
O comité de elección ten o propósito de anunciar os resultados o (ou antes do) 12 de agosto. Estarán dispoñibles por esas datas máis detalles. Todas as horas que aparecen nesta páxina son 00:00 (media noite) UTC.
Información para os votantes
[edit]Requirimentos
[edit]Pode votar desde calquera das súas contas rexistradas nun wiki da Wikimedia (só pode votar unha vez, independentemente de cantas contas teña). Para cualificar como elector ten que:
- non estar bloqueado,
- non ser un bot,
- ter realizado un mínimo de 600 contribucións antes do 1 de xuño de 2009 nos wikis da Wikimedia (as edicións en varios wikis poden ser combinadas se as contas están unificadas nunha conta global); e
- ter realizado un mínimo de 50 contribucións entre o 1 de xaneiro e o 1 de xuño de 2009.
Excepcións especiais: tamén poden votar independentemente dos requirimentos anteriores:
- os administradores de servidores da Wikimedia con acceso shell;
- o persoal contratado da Fundación Wikimedia que traballa desde antes do 1 de marzo do 2009;
- os membros actuais ou antigos do Consello de Administración.
Como votar
[edit]Se reúne os requirimentos para votar:
- Lea as presentacións dos candidatos e decida a cales candidatos apoia.
- Vaia á páxina "Special:Securepoll" nun dos wikis nos que estea cualificado para votar. Por exemplo, se o wiki no que máis contribúe é meta.wikimedia.org/, vaia á páxina meta.wikimedia.org/wiki/Special:Securepoll.
- Siga as instrucións dadas nesa a páxina.
Información para os candidatos
[edit]Pódese atopar unha descrición detallada das responsabilidades dun membro do Consello no Manual do Consello.
Responsabilidades como membro do Consello
[edit]Ser membro do Consello dunha organización pequena como a Fundación Wikimedia, que representa moitísimos retos, implica adicarlle tempo. O cargo é voluntario e non retribuído. Aínda que non cómpre que aporten cartos de seu para a Fundación, a axuda dos membros do Consello para axudar a mantela é benvida.
Os membros do Consello deben ter polo menos 3 ou 4 reunións en persoa ó ano, asistir á Wikimanía (a conferencia anual), e atender a outros encontros programados e votacións na rede. O Consello comunicarase a cotío ben por correo electrónico, polo wiki e por canles IRC. Ás veces, os membros individuais participam en xuntanzas estratéxicas con outras organizacións e compañías, transmitindo os resultados ao Consello e persoal da Wikimedia.
Espérase que os membros do Consello se involucren en certas actividades (como a recadación de fondos, Wikimanía ou auditorías) e axuden en bosquexar políticas, estatutos e resolucións sobre estes temas.
Debido a que os membros do Consello teñen obligacións pola súa posición, os candidatos que teñen un posto pagado pola Fundación Wikimedia deben dimitir desa posición antes de poderen ser designados ao Consello de Administración. Isto é para evitar posibles conflitos de interés.
Requirimentos para poder presentarse como candidato
[edit]Para poder presentarse debe cumprir cos seguintes requirimentos:
- ter realizado como mínimo 600 edicións antes do 1 de marzo de 2009 nalgunha das contas rexistradas (as edicións en varios wikis poden ser combinadas se as contas están unificadas nunha conta global); e
- ter feito polo menos 50 edicións entre o 1 de xaneiro e o 1 de xullo de 2009; e
- revelar publicamente o nome real na presentación da candidatura (debido a que a identidade dos membros do Consello de Administración é pública non é posible ter representación no Consello de Administración anomimamente ou cun pseudónimo); e
- ter como mínimo 18 anos e maioría de idade no país de orixe.
Como presentar a candidatura
[edit]Se cumpres os requirimentos para ser elixido, podes presentar a túa candidatura facendo o seguinte:
- Escribe un breve resumo de non máis de 1200 caracteres declarando o que farías se foses seleccionado como membro do Consello de Administración, as túas opinións e experiencia e calquera cousa que pense é relevante. Non poder usar o teu resumo de candidatura para ligar cara a listas de apoio ou outras páxinas de plataformas e tampouco pode formar un "partido" con outros candidatos.
- Envía o teu resumo entre as 00:00 do 06 de xullo de 2009 (UTC) e as 23:59 do 27 de xullo de 2009 (UTC). Despois do 27 de xullo, non se pode cambiar agás para correccións menores ou traducións. Calquera adición engadida despois da data límite será datada e presentada á parte do resumo orixinal e só se presentará aos votantes se se traduce a todas as linguas ás que tamén fora traducido o resumo orixinal.
- Envía a proba da túa identidade a Cary Bass (Volunteer Coordinator) antes do 27 de xullo de 2009. Un membro do comité de elección contactará contigo en privado para darte máis información sobre como cumprir con este requirimento cando te listas como candidato.
Os candidatos que non cumpran cos requirimentos de enriba, así como coas datas límite, serán descualificados.
Organización
[edit]Cronoloxía
[edit]- 01–30 de xuño de 2009: primeira fase de tradución; o subcomité coordina e promociona activamente a tradución.
- 06–27 de xullo de 2009: envíos das candidaturas.
- 27 de xullo de 2009: último día para enviar as probas de identidade (os envíos posteriores ou que falten serán descualificados).
- 28 de xullo–10 de agosto de 2009: eleccións.
- 10–12 de agosto de 2009: reconto de votos.
- 12 de agosto de 2009: publicación dos resultados.
Tradutores
[edit]Para asegurarse de que unha importante comunidade wikipédica toma parte nestas eleccións, é importante traducir os avisos das eleccións e as declaracións dos candidatos nas máis linguas posible. Para axudar coas traducións, por favor, olla esta páxina.