Amministraturi
L'amministratura (noti macari comu sysop) sunnu utenti c'hannu la pussibbilità tècnica di:
- cancillari pàggini, ripristinàrili e vìdiri li rivisioni cancillati;
- bluccari e sbluccari utenti, nnirizzi IP nnividuali e range di nnirizzi IP;
- prutèggiri e livari la prutizzioni dê pàggini e canciari li pàggini prutiggiuti;
- canciari la ntirfaccia (namespace MediaWiki) e li file di cunfigurazzioni di l'utenti;
- mpurtari pàggini di àutri wiki;
- rializzari àutri funzioni culligati â manutinzioni tècnica;
- agghiùnciri e livari utenti di arcuni gruppi d'utenti, comu chiddu di rollback, esenti dô bloccu IP o flooder.
L'amministratura ponnu chiùmpiri st'azzioni sulu ntê wiki ntê quali ottìnniru lu flag d'amministaturi.
Lu rolu e l'aspittativi di l'amministratura, accussì comu li policy, varianu ampiamenti ntra li vari pruggetti; l'amministratura hannu chiossai funziunalità tècnichi rispettu a l'utenti cumuni, ma stu fattu nun havi a èssiri vistu comu na sorta d'auturità, poichì chista è guadagnata siparatamenti e è data dâ cumunità. Arcuni wiki ponnu nun aviri aduttatu policy scritti pi l'amministratura e li candidati, e spissu chistu è causatu dô nùmmiru d'utenti attivi limmitatu nta ddu situ.
Arcuni pruggetti ùsanu tèrmini diversi pi nnicari l'amministratura: p'esempiu Wikiversity n ngrisi usa lu tèrmini custodian (traducìbbili cu custodi), mentri Wikipedia n spagnolu usa lu tèrmini bibliotecarios (traducìbbili cu bibbliuticariu).
Tutti l'azzioni amministrativi sunnu sarvati ntê riggistri e ponnu èssiri annullati di qualsìasi àutru amministraturi. Lu stissu principiu s'àpplica a tutti l'àutri flag prisenti ntô software MediaWiki, sibbeni li log nun sunnu sempri pùbblici: p'esempiu li checkuser hannu a èssiri armenu dui nta ogni pruggettu Wikimedia pi putìrisi cuntrullari a vicenna; chistu fa sì ca la sò attività sia cuntrullata sulu di na parti nica dâ cumunitati e chistu renni lu sistema sìmili a l'intercessio o a lu vetu dô cònzuli rumanu ntô quali c'è nu cunzenzu nternu pi l'azzioni, nu cuntrollu ricìprucu e la privinzioni di l'abbusi. Ntô casu ntô quali la situazzioni diggènira, zoè quannu lu sistema fallisci pi privèniri l'abbusi e li funzioni hannu a èssiri esircitati di fattu tanti voti p'annullari n'azzioni chiumputa, si ha l'accussidditta wheel war.
Administrators are subject to the global admin activity review policy, which stipulates that their rights may be removed if inactive for more than two years.
Talìa macari
- Administrators of Wikimedia projects – amministratura ntê vari pruggetti Wikimedia
- Meta:Administrators – amministratura nta Meta
- mw:Manual:Administrators – pi nfurmazzioni pâ funzioni "amministraturi" ô nternu dô software MediaWiki, p'utenti dê pruggetti MediaWiki ca nun sunnu parti dâ Wikimedia Foundation